NDF-EV sympathizes with tens of thousands of flood victims in Leyte and holds Aquino regime accountable

Fr. Santiago "Sanny" Salas
NDF - Eastern Visayas
January 5, 2012

The National Democratic Front-Eastern Visayas today sympathized with the more than 50,000 people victimized by heavy floods in Leyte and Southern Leyte, and furthermore held the Aquino regime accountable for its incompetence and for pursuing economic policies detrimental to the people and the environment. “The NDF-EV is in solidarity with the people of Leyte and Southern Leyte who have been braving the rains and floods for the past week,” said Fr. Santiago Salas, NDF-EV spokesperson. “The people in the Samar provinces are also endangered by the continuous rains and floods. The Aquino government should have been prepared for such a calamity to which the region is vulnerable based on past experiences. But the incompetence and neglect of the Aquino regime is once again highlighted by evacuations going on only at the height of the rains and floods, and the woeful unpreparedness to deal with tens of thousands of evacuees.”

Fr. Salas said the Aquino government had abandoned the people in favor of the military and the fake development program of the conditional cash transfer scheme. “The people are up in arms already because social services including disaster preparedness have suffered budget cuts under the Aquino government. Speaking of priorities, the Aquino government can afford to neglect the people while sprucing up the military to implement all-out war under Oplan Bayanihan. The bulk of social spending is also going to the conditional cash transfer scheme, which is nothing more than a dole-out program to hoodwink and placate the people in the absence of genuine development as well as deteriorating living conditions.”

The NDF-EV spokesperson also said the Aquino regime's development paradigm, including a centerpiece large-scale mining program, is bound to worsen poverty and natural calamities. “Eastern Visayas is no stranger to floods and landslides – in the past two decades, in Leyte Island alone massive death and destruction have swept Ormoc City, Panaon Island and St. Bernard. But these are bound to recur because the Aquino government is tied to neoliberal globalization and its subjection of the economy to depending on exports of raw materials through mining, logging and cash crops. This means keeping the economy backward and the people poor in denying genuine agrarian reform and national industrialization. But this also means the denudation of forests, destruction of watersheds and waterways, and soil erosion – the recipe for calamitous flooding and the long-term effects of climate change.”

Fr. Salas called on the revolutionary forces to attend to the people in need because of the calamity and for unity against large-scale mining and logging and other causes of environmental destruction and disasters. “The NDF-EV supports the people in their plight and calls on the Aquino government to heed the people's legitimate demands for disaster relief and rehabiliation in lieu of militarization and the deceptive conditional cash transfer scheme. Furthermore, the New People's Army in their respective areas of responsibility can mobilize the people to assist those adversely affected by the rains and floods. It is also the duty of the NPA to enforce the people's democratic government's banning of large-scale mining and logging, and to punish the companies and other plunderers who harm the people and the environment. The NDF-EV supports the struggle of the people against large-scale mining and logging in Leyte and elsewhere in the region, and urges perseverance in the struggle for socio-economic reforms to achieve fundamental changes towards protecting the people and the environment.”#


----------------------

Waray Version

Nakikisimpatiya an NDF-EV ha pira ka napulo ka-yukot nga biktima hin baha ha Leyte ngan ginpapabaton an rehimen Aquino

Nagpadangat yana han simpatiya an National Democratic Front-Eastern Visayas ha sobra 50,000 nga biktima hin grabe nga baha ha Leyte ngan Southern Leyte, ngan ginpapabaton an rehimen Aquino tungod han kawaray-pulos hini ngan ha pagsunod ha mga palisiya ha ekonomiya nga nanhihibang ha katawhan ngan ha kalibungan. “Nakikig-usa an NDF-EV ha katawhan han Leyte ngan Southern Leyte nga gin-atubang an grabe nga uran ngan baha ha naglabay nga semana,” sering ni Fr. Santiago Salas, tagapagyakan han NDF-EV. “Naatubang liwat ha kadelikaduhan an katawhan ha mga probinsya han Samar tungod han padayon nga uuran ngan pagbaha. Dapat andam na an gobyerno Aquino para ha sugad nga kalamidad kay bulnerbale an rehiyon basar ha mga naglabay nga panhitabo. Pero nagawas na naman an kawaray-pulos ngan pagpasibaya han rehimen Aquino dida ha mga ebakwasyon nga ginpatuman na la han grabe na an uuran ngan pagbaha, ngan ha kawaray pangandam para manginano ha pira ka napulo ka-yukot nga nag-ebakwasyon.”

Ginsering ni Fr. Salas ngan gintalikdan han gobyerno Aquino an katawhan agud paburan an militar ngan an buwa nga programa pan-kauswagan nga amo an iskema nga conditional cash transfer. “Nag-aalsa na ngani an katawhan tungod han pag-iban han mga badyet para ha mga serbisyo pankatilingban upod na an pangandam ha mga kalamidad. Pero nagawas nga ha mga prayoridad, waray la para ha gobyerno nga pabay-an an katawhan samtang ginpapaupay naman an militar para ipatuman an hul-os nga gerra ilarum han Oplan Bayanihan. An dako nga bahin liwat ha pankatilingban nga gastos in nakadto ha iskema nga conditional cash transfer, nga waray lain kundi limos agud uwaton ngan pakalmahon an katawhan ha butnga han waray tinuod nga pag-uswag ngan ha nagtitikaraut nga mga kondisyon han panginabuhi.”

Gindugang han tagapagyakan han NDF-EV nga an disenyo ha kauswagan han rehimen Aquino, upod na an sentro nga programa ha tinagdagko nga pagmimina, in mas magpapagrabe pa han kakablasan ngan mga natural nga kalamidad. “Diri na bag-o ha Eastern Visayas an mga pagbaha ngan landslide – ha naglabay nga duha ka dekada, ha Leyte Island pa la in grabe na an destroso ngan kamatay nga umigo ha Ormoc City, Panaon Island ngan St. Bernard. Pero sigurado nga magpapadayon an mga ini tungod kay nahihigot an gobyerno Aquino ha neoliberal nga globalisasyon ngan an pagpapabilin han ekonomiya nga nasarig ha pag-eksport hin hilaw nga materyales pinaagi han pagmimina, pagtotroso ngan mga cash crops. Nangangaruyag sidngon ini nga nagpapabilin nga atrasado an ekonomiya ngan kablas an katawhan kay waray man tinuod nga reproma nga agraryo ngan nasyunal nga indsutriyalisasyon. Pero nagdudurot liwat ini hin paghawan han kagugub-an, paghibang han mga surok ngan aragian han tubig, ngan pagtanggal hin katunaan – nga mga hinungdan han mga kalamidad nga pagbaha ngan han panmaihaan nga epekto han pagbabago-han klima (climate change).”

Nanawagan hi Fr. Salas ha mga rebolusynaryo nga pwersa nga atamanon an nagkukuri nga katawhan tungod han kalamidad, ngan han pagkaurusa kontra ha tinagdagko nga pagmimina ngan iba pa nga hinungdan han panhibang ha kalibungan ngan mga kalamidad. “Nasuporta an NDF-EV ha katawhan ha ira pagkukuri ngan nananawagan ha gobyerno Aquino nga tagdon an mga lehitimo nga demanda han katawhan para ha bulig ngan rehabilitasyon tungod han kalamidad, imbes nga militarisasyon ngan an buwaon nga conditional cash transfer scheme. Dugang pa, pwede an New People's Army ha ira mga erya han responsibilidad nga magmobilisa han katawhan agud buligan an mga grabe nga naapektuhan han uuran ngan pagbaha. Tahas liwat han NPA nga ipatuman an kanan demokratiko nga gobyerno han katawhan nga pagdiri ha tinagdagko nga pagmimina ngan pagtotroso, ngan ipatuman an pagsirot kontra ha mga kumpaniya ngan mga dagko nga paraghuthot nga nanhihibang ha katawhan ngan kalibungan. Ginsusuportahan han NDF-EV an pakigbisog han katawhan kontra ha tinagdagko nga pagmimina ngan pagtotroso ha Leyte ngan iba pa nga dapit han rehiyon, ngan nananawagan han pagpursigi ha pakigbisog para ha mga sosyo-ekonomiko nga reporma agud makab-ot an mga pundamental nga pagbabag-o ngadto ha pagpanalipod ha katawhan ngan kalibungan.”#