NPA raid in Northern Samar slaps down AFP's arrogant posturing and Palparan-style terrorism

Karlos Manuel
NPA Eastern Visayas (Efren Martires Command)
January 27, 2012

The Efren Martires Command of the New People’s Army-Eastern Visayas today said the guerrilla offensive in Lapinig, Northern Samar last Jan. 20 highlighted the NPA’s growing strength as well as belied the arrogant posturing of the Armed Forces of the Philippines. “The raid by the Rodante Urtal Command against enemy forces in Lapinig is a victory for the NPA and caught the AFP’s 8th Infantry Division with its pants down,” said Ka Karlos Manuel, EMC spokesperson. “The 8th ID resorts to black propaganda to cover up its embarrassment so soon after having bragged that the NPA is finished in the region. Moreover, the 8th ID maliciously accuses the NPA of rights violations to divert attention from extrajudicial killings and other military abuses recently brought to light in Northern Samar.”

Manuel said the NPA targeted the police and private armed group of Lapinig Mayor Romualdo Menzon in the evening of January 20. “The Red fighters sought to disarm the police and the private armed group of Mayor Menzon who are legitimate targets. However, the police fled without even putting up a fight while Aurelio Jullata, a private security aide of the mayor, exchanged fire with the NPA and was killed. The NPA was also able to disarm Police Officer 3 Rowena Opena, who was not harmed in any way contrary to hysterical statements by the 8th ID.”

The EMC spokesperson also apologized for the wounding of Romeo Senobio, Jr., reportedly a civilian, and said the NPA is investigating the matter. “The NPA never targeted, manhandled and shot Senobio, among other malicious allegations of the 8th ID. As a matter of responsibility, the NPA is looking into how Senobio was hit in the exhange of fire between the Red fighters and Menzon’s bodyguard Jullata. The NPA members are subject to disciplinary action if civilians are put at risk, unlike the military which wallows in impunity for rights violations.

“In the same light, the NPA did not target civilians with command-detonated explosives, or took civilians as hostages, robbed them, and looted houses during the raid. The use of explosives is meant against enemy targets such as their arriving reinforcements. It is also routine for the NPA to stop and put civilians out of harm’s way in the course of tactical offensives, as well as check houses and secure the perimeter of the operation. These malicious charges of the 8th ID are nothing more than hysterical rantings born out of sheer humiliation.”

Manuel also slammed the military for concocting rights violations and ordinary crimes against the NPA. “It’s all over the news that the military is washing its hands over ongoing rights violations in Northern Samar. How dare the military divert the public’s attention over such atrocities by hurling false accusations against the NPA. A human rights mission documented this January at least 37 rights violations by the 8th ID while carrying out Oplan Bayanihan in the Northern Samar towns of Catubig and Las Navas. A civilian, Jovito Pajanustan, was a victim of torture and extrajudicial killing by those believed to be military elements. Even children were not spared as hundreds of them suffered trauma from military operations, such as soldiers taking over and using day care centers as barracks.

“These rights violations are all sanctioned by the Aquino government’s Oplan Bayanihan. But speaking and acting like his predecessor Gen. Jovito Palparan, 8th ID chief Gen. Mario Chan blames the NPA for rights violations while his troops are implementing Palparan-style terrorism: extrajudicial killings, intimidation of civilians, occupation of civilian communities, Red-baiting progressive organizations to justify butchering them, and many more rights violations under a continuing climate of impunity. Who is now the real criminal in war? Because there is no change under the Aquino regime, the people are fighting back and the NPA is growing stronger from their support. The NPA’s tactical offensives will surely spread and intensify because of the people’s continuing demand for justice as well as the desire to end the oppressive and exploitative ruling system.”

_________________________________________


Reyd han NPA ha Northern Samar, tampalo ha arogante nga pamostura ngan estilo-Palparan nga terorismo han AFP

Karlos Manuel
NPA Eastern Visayas (Efren Martires Command)
January 27, 2012

Ginsering yana han Eften Martires Command han New People’s Army-Eastern Visayas nga ginpalandaw han gerilya nga opensiba ha Lapinig, Northern Samar hadin Enero 20 an dugang nga pagkusog han NPA sugad man an pagpanhimuwa han arogante nga pamostura han Armed Forces of the Philippines. “An reyd nga ginlansar han Rodante Urtal Command kontra ha mga pwersa han kaaway ha Lapinig usa nga kadaugan para ha NPA ngan nagringgal ha 8th Infantry Division han AFP nga waray mag-antum hin sugad nga atake,” sering ni Ka Karlios Manuel, tagapagyakan han EMC. “Naghihimo hin maitom nga propaganda an 8th ID agud tahuban an kaarawdan hini kahuman la ipahambog nga mapuypoy na an NPA ha rehiyon. Dugang pa, malisyoso nga gin-aakusaran han 8th ID an NPA hin panalapas han tawhanon nga katungod agud mailikay an atensyon tikang ha ekstrahudisyal nga mga panmatay ngan iba pa nga panalapas han militar nga bag-o pa la nabuksas ha Northern Samar.”

Ginsering ni Manuel nga gintarget han NPA an kapulisan ngan an pribado nga armado nga grupo ni Mayor Romualdo Menzon ha Lapinig dida han gab-i han Enero 20. “Gintumuyo han mga Pula nga mangaraway nga dis-armahan an kapulisan ngan an pribado nga armado nga grupo ni Mayor Menzon nga mga lehitimo nga target. Kundi, nandadlagan an mga pulis ngan waray umato, samtang hi Aurelio Jullata, usa nga pribado nga badigard han meyor, in nakigbalyuay hin bubto ha NPA ngan napatay. Nadis-armahan han NPA hi Police Offficer 3 Rowena Opena, ngan waray maano diri sugad han makalilisang nga pahayag han 8th ID.”

Nag-aro hin dispensa an tagapagyakan han EMC ha kasamari ni Romeo Senobio Jr., nga ginsusumat nga usa nga sibilyan, ngan ginsering nga iimbestigaran han NPA ini nga karukayaknon. “Diri target, waray pagdakpa ngan waray pagpusila han NPA hi Senobio, ha butnga han damo nga malisyoso nga alegasyon han 8th ID. Komo responsibilidad, gin-iimbestigaran han NPA kun kay ano nga naigo hi Senobia ha butnga han balyuay han buto giutan han mga Pula nga mangaraway ngan han badigard ni Menzon nga hi Jullata. Ginpapalusaran hin aksyon pandisiplina an mga myembro han NPA kun napamatud-an nga ginbutang ha risgo an mga sibilyan, diri sugad han militar nga nagpapatakas ha panalapas han tawhanon nga katungod.

“Ha kapariho nga isyu, diri target han NPA an mga sibilyan gamit an ​*command-detonated* nga paburuthon, waray hira gamita komo hosteyds, waray hira panulisa ngan waray hira pagkawati ha butnga han reyd. An paggamit han mga paburuthon in nakatarget ha kaaway sugad han naabot nga ira reimporsment. Pagsurundon han NPA nga paundangon ngan ipahirayo an mga sibilyan ha risgo ha butnga han taktikal nga opensiba, sugad man an pagtsek ha mga balay ngan pagseguro han palibot han operasyon. Ini nga mga malisyoso nga akusasyon han 8th ID waray iba kundi nangangarigkig nga birada nga resulta han dako nga kaarawdan.”

Ginbira pa ni Manuel an militar ini nga hinimo-himo nga panalapas han tawhanon nga katungod ngan mga ordinaryo nga krimen nga iginmementar ha NPA. “Makikita ha mga notisya nga naghuhugas hin kamot an militar kabahin han nagpapadayon nga panalapas han tawhanon nga katungod ha Northern Samar. Kadako han buot han militar nga ilikay an atensyon han publiko ha sugad nga mga panalapas pinaagi han pag-itsa hin mga buwa nga akusasyon han NPA. Usa nga human rights mission nga ginhimo hadin Enero an nagdokumento hin maabot ha 37 nga panalapas han katungod nga hinimuan han 8th ID samtang ginpapatuman an Oplan Bayanihan ha mga bungto han Northern Samar ha Catubig ngan Las Navas. Usa nga sibilyan nga amo hi Jovito Pajanustan an biktima han tortyur ngan ekstrahudisyal nga panmtay nga hinimuan han mga gintutuohan nga elemento han militar. Naaamong bisan an kabataan kun diin pira kagatos ha ira an nagkakamayda hin grabe nga kahadlok tungod han mga operasyon militar, sugad han pangagaw ngan paggamit han mga sundalo ha mga day care center *komo mga *barracks.

“Gintutugutan ini nga mga panalapas han katungod ilarum han Oplan Bayanihan han rehimen Aquino. Pero ha pagyinakan ngan pag-akto nga alagid-agid kan Gen Jovito Palparan nga nauna ha iya, ginbabasul han hepe han 8th ID nga hi Gen. Mario Chan an NPA han panalapas han mga katungod, samtang gin-iimplementar han iya mga tropa an terorismo nga estilo ni Palparan: mga ekstrahudisyal nga panmatay, panarhug ha sibilyan, pangukoy ha mga komunidad han sibilyan, pagtawag nga “komunista” ha mga progresibo nga organisasyon agud hatagan rason an pagpataya ha ira, ngan iba pa nga mga panalapas han tawhanon nga katungod ilarum han nagpapadayon nga klima han pagpatakas. Hin-o yana an tinuod nga kriminal ha gerra? Tungod kay waray pagbabag-o ilarum han rehimen Aquino, naato an katawhan ngan dugang nga nakusog an NPA tikang ha ira suporta. Sigurado nga masarang ngan makusog an mga taktikal nga opensiba han NPA, tungod han nagpapadayon nga ungara han katawhan para han hustisya sugad man an karuyagon nga tangpuson na an matalumpiguson ngan patiyupion nga sistema han paghahadi.”