NPA calls on youth to turn vigor into revolutionary fighting spirit and to participate in the armed struggle

Ka Karlos Manuel
Efren Martires Command, NPA-Eastern Visayas
Abril 26, 2012

The Efren Martires Command of the New People's Army in Eastern Visayas today praised the vigor of the youth and urged them to maximize their potential through revolutionary fighting spirit in the armed struggle. "In celebration of the 39th anniversary of the National Democratic Front of the Philippines, the NPA as an allied organization of the NDFP urges the youth to serve the people and the revolution," said Ka Karlos Manuel, EMC spokesperson. "Our youth have the intelligence, creativity, receptiveness to progressive ideas, enthusiasm and determination to transform the present society. But under the US-Aquino regime, they are pushed to worsening exploitation and oppression. Only by embracing the armed struggle and overthrowing the reactionary ruling system can the youth attain their dreams and aspirations."

Ka Karlos said the youth in the region bear the burden of the semifeudal and semicolonial system. "The plight of the youth reflects the problems of their elders and the whole society. At an early age, many youth are forced to end schooling and participate in economic production to live. Thus, even though they shouldn't be working already, the youthful peasants and workers understand early the problems of landlessness, low wages and other forms of exloitation and abuse. For example, according to the Regional Anti-Child Labor Committee of the reactionary government itself, the youth and child laborers in Leyte sugar plantations officially earn P65 every day. This is way below the P213.50-P255 minimum wage. Moreover, many youth are forced to leave home and work as domestic helpers, construction workers, factory workers and other heavy and dangerous exploitation of their youth. Such children are also vulnerable to human trafficking and sexual abuse.

"Those who go through schooling also have perennial grievances over tuition fee increases, campus repression, the continuing slide in the quality of education and other issues. According to the Philippine Institute for Development Studies, for every 100 students who start Grade One, only 14 graduate from college. And in fact, in the past three years, up to 83% of those in college do not graduate, according to the National Statistical Coordination Board. Now even more will not reach college because of the Department of Education's drive for the K-12 curriculum, which discourages higher education by extending the years in schooling until high school. This is meant to cut government support for college education, while those who can no longer pursue higher education are forced into cheap labor to entice foreign businesses."

Ka Manuel added that the youth are robbed of hope and only suffer under the US-Aquino regime. "The US imperialist and its puppet Aquino regime seek to profit from squeezing the youth dry of their strength and talent. Any questioning and resistance against the ruling system are met with fascist violence by the military and police. Many youth face vicious military operations under Oplan Bayanihan and endure human rights violations such as harassment as suspected NPA members, or the illegal military occupation of their communities and schools. Even day care centers are not spared by the military occupation, such as the cases of the 34th IB in Brgy. San Miguel, Las Navas and Brgy. G.M. Osias in Gamay, both in Northern Samar, and of the 19th IB in Brgy. Liberty, Ormoc City, Leyte. Soldiers of the 8th Infantry Division also conduct operations in high schools and colleges to demonize the NPA, harangue the students against democratic struggle, and deceive them through fascist psywar. As such, the youth are greatly encouraged to explore and embrace the revolutionary armed struggle."

The EMC spokesperson urged the various NPA units to ensure the lively participation of the youth in mass education, revolutionary cultural activities and mass struggles, and to step up recruitment from the ranks of youth who satisfy the minimum recruitment age of 18. "The youth are the wellspring of the revolution. We will always have a never-ending stream of young peasants, workers and educated urban youth within and outside the region. The Red commanders and fighters of the NPA must be patient and persevering in training and guiding the youthful recruits in the process of remolding towards being dedicated revolutionaries. They are the ones to whom the torch of revolution will be passed, and it is the responsibility of their revolutionary elders to prepare them for the future.

"Bonifacio's revolution before was a revolution of the youth. Today the times challenge the youth to patriotically stand up for the people and for the country, and against US imperialism and the present puppet regime. In the people's collective action and the waging of armed struggle, future generations have their hope."#

REFERENCE:

Roy Santos
NDF-Eastern Visayas Media Officer
Email: ndfevis@gmail.com, ndf_ev@yahoo.com
Facebook: http://www.facebook.com/ndf.easternvisayas













===================================
Efren Martires Command
New People's Army-Eastern Visayas

Pahayag ha Mantalaan
Abril 26, 2012

NPA nanawagan ha kabatan-unan: Itransporma an kadasig ngadto ha rebolusyonaryo nga mapan-ato nga diwa, umapi ha armado nga pakigbisog!

Gindayaw yana han Efren Martires Command han New People's Army ha Eastern Visayas an kadasig han kabatan-unan ngan gin-aghat hira nga maksimisahon an ira kapas, itransporma ini ngadto ha rebolusyunaryo nga mapan-ato nga diwa ha armado nga pakigbisog. "Komo pagselebrar han ika-39 nga anibersaryo han National Democratic Front of the Philippines, gin-aaghat han NPA nga alyado nga organisasyon han NDFP an ngatanan nga kabatun-anan nga pagserbihan an katawhan ngan an rebolusyon," sering ni Ka Karlos Manuel, tagpagyakan han EMC. "Aada ha aton kabatan-unan an kabaltok, pagkamahimuon, abrido nga pangisipan ha mga mauswag nga ideya, kaabtik ngan determinasyon nga pauswagon an presente nga katilingban. Kundi ilarum han rehimen US-Aquino, iginduduso pa hira ha mas ginpapintas nga pagpahimulos ngan panraugdaug. Pinaagi la ha paghangkop ha armado nga pakig-away ngan pagpabagsak han reaksyunaryo nga naghahadi nga sistema makakab-ot han kabatan-unan an ira mga hingyap ngan paglaum."

Ginsering ni Ka Manuel nga ginpapas-an han kabatan-unan ha rehiyon an kakurian nga durot han bagapyudal ngan bagakolonyal nga sistema. "Gin-eespiho han kamutangan han kadam-an nga kabatan-unan an mga problema han ira mga kag-anak ngan han bug-os nga katilingban. Ha aga nga pangidaron, damo nga batan-on an napupwersa nga umundang ha pag-eskoyla ngan magpartisipar ha pan-ekonomiya nga produksyon agud mabuhi. Amo nga bisan diri pa angay nga magtrabaho, nasasabtan na han mga batan-on nga parag-uma ngan trabahador an kawaray-tuna, himubo nga suhol-pagtrabaho ngan iba pa nga porma hin pagpahimulos ngan pangabuso. Pananglitan, basar mismo ha Regional Anti-Child Labor Committee han reaksyunaryo nga gobyerno, maabot la ha P65.00 kada adlaw an opisyal nga sumat nga suhol han mga batan-on ngan bata nga trabahador ha mga plantasyon han tubo ha Leyte. Ura-ura ini kahimubo kumpara ha P213.50-P255 nga minimum nga kaangayan nga suhol. Dugang pa, damo nga batan-on an napipiritan nga gumikan agud magtrabaho komo kabulig, trabahador ha konstruksyon, trabahador ha pabrika, ngan iba pa nga mabug-at ngan delikado nga pagpahimulos ha ira. Bulnerable liwat an sugad nga mga batan-on ha "human trafficking" ngan sekswal nga pangangabuso.

"Ha mga naeskoyla naman, permanente nga araba han mga kabatan-unan nga estudyante an paghitaas han matrikula, represyon ha sulod han eskwelahan, an nagtitikahimubo nga kalidad han edukasyon ngan iba pa nga isyu. Ha datos han Philippine Institute for Development Studies, ha kada 100 nga batan-on nga naeskwela ha Grade One, 14 la ha ira an makagradwar ha kolehiyo. Ngan ha kamatuoran, ha sakob la han naglabay nga tulo katuig, maabot na ha 83% an mga diri nakakatangpos ha kolehiyo, sigon ha National Statistical Coordination Board. Mas damo na liwat an diri ngani makatubtob han pag-eskoyla ha kolehiyo tungod han pagduso han Department of Education han K-12 kurikilum, nga gindidiskurahe an pag-abot ha kolehiyo ha pagpapahilaba han pag-eskoyla tubtob hayskul. Agud ini makaiban han gastos han estado ha edukasyon ha kolehiyo, samtang an waray na kapas magpadayon ha mas hitaas nga pag-eskoyla, ginbubug-os komo pan-engganyar nga barato nga kusog ha trabaho para ha langyawanon nga negosyo."


Sigon pa kan Ka Manuel nga ilarum han naghahadi nga rehimen US-Aquino, waray malalauman an batan-on Pilipino kundi an dugang nga pagkukuri. "Karuyag han imperyalista nga US ngan niyutiyo nga rehimen Aquino nga pug-on an kapas han batan-on agud makakuha hin mas damo nga ganansya tikang ha ira kusog ngan talento. An anuman liwat nga porma hin pagkwestyon ngan pag-ato ha paniniyupi han naghahadi nga sistema in kadagmitan nga gintutugbangan han pasista nga kabangis han militar ngan pulisya. Damo nga batan-on an naatubang ha kabangis han mga operasyon militar ilarum han Oplan Bayanihan ngan naagi ha panalapas han tawhanonon nga katungod sugad han harasment ha tahap nga kaapi hira han NPA, o an iligal nga pagsakop han militar han ira mga komunidad ngan eskoylahan. Bisan ngani mga day care center in gin-gagamit han militar, sugad han mga kaso han 34th IB ha Brgy. San Miguel, Las Navas ngan Brgy. G.M. Osias ha Gamay, pareho ha Northern Samar, ngan han 19th IB ha Brgy. Liberty, Ormoc City, Leyte. Ginkakadto liwat han mga tropa han 8th Infantry Division an mga hayskul ngan kolehiyo agud pakarauton an NPA, tarhugon an mga estudyante kontra ha mga demokratiko nga pakigbisog, ngan uwaton hira han pasista nga saywar. Ha sugad, dako nga pag-engganyar ha pakigbisog han aton kabatan-unan an pag-abre ngan paghangkop ha rebolusyonaryo nga armado nga pakig-away. "

Gin-aghat han tagapagyakan han EMC an mga yunit han NPA nga siguruhon an marayhak nga partisipasyon han mga kabatun-anan ha mga panmasa nga edukasyon, mga aktibidad ha rebolusyonaryo nga kultura ngan mga panmasa nga pakigbisog, ngan pakusgon an pagrekluta tikang ha ranggo han kabatan-unan nga ada na ha minimum nga suklanan han pangidaron nga 18-anyos. "An kabatan-unan an atabay han rebolusyon. Diri kita mahuhubsan hin mga batan-on nga parag-uma, trabahador ngan estudyante tikang ha kasyudaran ha sakob ngan gawas han rehiyon. Kinahanglan magin makurimot an mga Pula nga kumander ngan mangaraway han NPA ngan ipursigi an pagpahiara ngan paggiya ha mga batan-on nga rekluta ha proseso han pagremolde agud magin hul-os hira nga rebolusyonaryo. Hira an sunod nga magbibitbit han sulo han rebolusyon, aadi ha aton an bug-at nga ig-andam hira ha tidaraon.

"An rebolusyon hadto nira Bonifacio, usa nga rebolusyon han kadam-an nga mga kabatan-unan. Gin-aayat han panahon nga padayon nga patriyotiko nga tumindog an kabatan-unan para ha nasud ngan katawhan, ngan kontra ha imperyalismo nga US ngan ha presente nga niyutiyo hini nga rehimen Aquino. Pinaagi la han duruyog nga paggios han katawhan ngan paglansar han armado nga pakig-away makakab-ot an tinuod nga paglaum han masunod nga mga henerasyon."#

--
--
Roy Santos
NDF-Eastern Visayas Media Officer
Email: ndfevis@gmail.com, ndf_ev@yahoo.com
Facebook: http://www.facebook.com/ndf.easternvisayas
--