Respect the people's electoral struggle, stand up for genuine change

http://www.philippinerevolution.net/statements/20130425_respect-the-people-s-electoral-struggle-stand-up-for-genuine-change


Fr. Santiago Salas

NDFP-Eastern Visayas
Abril 25, 2013

The National Democratic Front-Eastern Visayas calls on all to respect the people's electoral struggle and stand up for genuine change. We do not expect meaningful changes through the elections, because it is an instrument of the ruling system and US imperialism to maintain the semifeudal and semi-colonial system in the Philippines. But we do respect that a significant number of the people still believe in the elections, thus we challenge that we all stand up for genuine change.

US imperialism itself introduced the bourgeois elections when it colonized the Philippines and up to now, to make it seem that there is a peaceful and honest way towards change and to calm the grievances of the people. In truth, through the automated elections in place since 2010 and backed by US imperialism, cheating has become simpler and faster while retaining the essentially vicious competition between political rivals till the shedding of blood.



Widespread cheating exposes the dirty character of the elections. In the local level, there are various forms of this such as the use of goons, vote-buying, bribing the Board of Election Inspectors (BEI) and using the military in political campaigns and on election day itself. In fact, in the provinces of Eastern Visayas, the 8th Infantry Division blatantly participates in electioneering where their troops campaign for politicians who are reactionary die-hards, while disparaging progressive candidates.

The voice of the people in their electoral struggle must be respected. Thus we forewarn the politicians and their machinery in the elections including those in the BEI who are in their pockets, that they will have accounts to settle with the people should there be incidents of widespread cheating, election violence such as harassments and killings, seizure of election machines and other forms of sabotage and irregularities in the elections.

In the experience of the masses in the past two elections in a Northern Samar town, there were many incidents where the BEI itself participated in cheating and sabotage. In the election precincts, voting was delayed, the use of election guarantors denied, and voters who supported the rival candidate were not even included in the list of voters.  The BEI did not make the minutes of the electoral process, but when their candidate was defeated, they made minutes to present in the town falsely accusing the New People's Army of disturbing the voting process even though there was no such incident. The municipal election officer was also bribed and it was made to appear that the losing candidate won the election. The corrupt personalities in the Commission on Elections and the BEI violated their own so-called role for clean and honest elections.

We call on the people to be vigilant and assert their rights against the possibilities of election violence, cheating and dirty tactics of the politicians in collaboration with the Comelec and the BEI. The reactionary politicians would like the people to be passive participants and to mechanically vote for those who are corrupt, fascist and pro-imperialist. Thus the right to suffrage must be struggled for along with other democratic rights. The people must insist who they would like to vote for, especially those who are for the country and for the people, in the midst of threats from the reactionary government. They must be prepared for militant struggle for their democratic rights in the electoral process. The revolutionary movement respects the electoral struggle of the people as a method of parliamentary struggle, but genuine change can only be achieved through revolutionary struggle. Therefore, we call on the people to take advantage of the electoral struggle to raise their political consciousness, towards higher levels of mass struggle up to directly participating in the revolution.#


________________________________________


Respetuhon an elektoral nga pakigbisog han katawhan, manindugan para ha tinuod nga pagbabag-o


Fr. Santiago Salas, Tagapagyakan
National Democratic Front of the Philippines
Eastern Visayas
Abril 25, 2013

Nananawagan yana an National Democratic Front-Eastern Visayas ha ngatanan nga kinahanglan respetuhon an elektoral nga pakigbisog han katawhan ngan manindugan para ha tinuod nga pagbabag-o. Diri kita nag-aantom hin mahinungdanon nga reporma ha eleksyon, tungod kay usa ini nga instrumento han naghahadi nga sistema ngan han imperyalismo nga US agud igpabilin an bagapyudal ngan baga-kolonyal nga sistema ha Pilipinas. Kundi, ginrerespeto naton nga signipikante pa nga ihap han katawhan an natuod ha eleksyon, kadungan han aton pag-aghat nga manindugan kita ngatanan para ha tinuod nga pagbabag-o.

An imperyalismo nga US mismo an nag-imponer han burges nga piniliay han sakupon nira an Pilipinas tubtob ngada yana, agud kuntaloy pagawson nga mayda murayaw ngan malimpyo nga pamaagi han pagbabag-o ngan agud pakalmahon an mga araba han katawhan. Ha kamatuoran, pinaagi han automated nga eleksyon tikang 2010 nga ginpapaluyuan han imperyalismo nga US, ginpadayon kundi mas ginpapasimple ngan ginpapadagmit la an estilo han panlimbong, ngan diri nawawara an esensya nga mabangis an agaway han mga magkaribal ha pulitika tubtob ha pagpaawas hin dugo.

Dugang la nga nabubuksas an mahugaw nga kinaiya han eleksyon tungod han hiluagan nga panlimbong. Ha lokal nga balitang, samwak an iba-iba nga porma hini pinaagi han paggamit han mga goons, pamalit hin botos, panuhol ha mga Board of  Election Inspectors (BEI) ngan an paggamit han pwersa militar ha mga pulitikal nga kampanya ngan mismo ha adlaw han pagbotos. Ngani, ha mga probinsya ha Eastern Visayas, garapal nga napartisipar an 8th Infantry Division ha electioneering kun diin nangangampanya mismo an ira mga tropa para ha mga lanong nga reaksyunaryo nga pulitiko, samtang ginpapakaraut naman adton mga progresibo nga kandidato.

Angay respetuhon an boses han katawhan ha ira elektoral nga pakigbisog. Sanglit, nagpapahimatngon kita gidaan ngadto ha mga pulitiko ngan ira mga makinarya ha eleksyon upod na an mga BEI nga kapot nira ha ira bursa, nga may baratunon hira ha katawhan kun magkamay-ada mga insidente hin samwak nga panlimbong, elektoral nga kasamukan sugad han panarhug ngan panmatay, pan-ngagaw hin mga makina ha eleksyon ngan iba pa nga porma hin panabotahe ngan iregularidad ha eleksyon.

Ha eksperyensya han masa ha duha nga magkasunod nga eleksyon ha usa nga bungto ha Northern Samar, damo an insidente kun diin pumapel mismo an mga BEI ha panlimbong ngan panabotahe. Ha mga elektoral nga presinto, gindedelatar an pagbotos,  gindiwara an katungod ha paggamit hin garantor, ngan ginwara ha voters list adton mga botante nga kilala nga nasuporta ha kakontra nga kandidato. Waray maghimo an BEI hin minutas han elektoral nga proseso, kundi paggawas han resulta nga naperdi an ira ginsusuportaran nga kandidato, naghimo hin minutas ha bungto kun diin ginpagawas nga nanamok an New People's Army ha proseso han botosay bisan kun waray nahitabo nga sugad nga insidente. Ginsuhulan gihap an municipal election officer ngan ginpagawas nga nagdaug an pulitiko nga naperdi ha borotosay.  An sugad nga mga binuhatan grabe nga nagtatalapas ha katungod han mamborotos, nagdidiwara han tinuod nga sentimento han katawhan.  Gintatalapas han mga dunot nga personahe ha Commission on Elections ngan BEI an ira kuntaloy papel ha pagpadalagan hin patas ngan malimpyo nga piniliay.

Nananawagan kita ha katawhan nga magin mabinantayon ha posibilidad han elektoral nga kasamukan, panlilimbong ngan mahugaw nga mga taktika han mga pulitiko kakunsabo an Comelec ngan BEI ngan ig-insister an ira mga katungod. Karuyag han mga reaksyunaryo nga pulitiko nga magin pasibo nga partisipante la an katawhan ngan mekanikal nga botosan an mga kurap, pasista ngan maka-imperyalista. Sanglit an katungod ha pagbotos kinahanglan iginpapakigbisog sugad han iba pa nga demokratiko nga katungod. Kinahanglan ig-insister han katawhan an ira karuyag nga mga kandidato, labina na an mga para ha nasud ngan para ha katawhan, bisan ha butnga han hulga han reaksyunaryo nga gobyerno. Kinahanglan magin andam hira nga militante nga gumios para ha ira demokratiko nga katungod ha elektoral nga proseso. Ginrerespetaran han rebolusyunaryo nga kagiusan an elektoral nga pakigbisog han katawhan komo usa nga pamaagi han parlamentaryo nga pakigbisog, kundi an tinuod nga pagbabag-o makakab-ot la pinaagi han rebolusyunaryo nga pakig-away. Sanglit, nananawagan kita ha katawhan nga himuon nga higayon an elektoral nga pakigbisog agud pahitas-on pa an ira pulitikal nga kapukawan, ngadto ha mas hitaas pa lebel han panmasa nga pakigbisog tubtob ha direkta nga pagpartisipar ha rebolusyon.#