NDFP-EV slams Aquino regime's refusal of reciprocal ceasefire:
“We may be enemies of the state, but we are the friends of the people”

Fr. Santiago “Ka Sanny” Salas
National Democratic Front of the Philippines - Eastern Visayas
November 28, 2013

The National Democratic Front of the Philippines in Eastern Visayas denounces the Aquino government as utterly despicable for refusing to reciprocate the revolutionary movement's ceasefire in areas affected by Typhoon Yolanda (international name: Haiyan). The revolutionary movement in the region has declared a unilateral ceasefire up to mid-January 2014. The Aquino government's regional military commander, Maj. Gen. Jet Velarmino, is particularly reprehensible for saying, "We did not make a declaration of ceasefire even after the typhoon. They are enemies of the state."

We may be enemies of the state, but we are the friends of the people, their interests come first. On the other hand, what else can we call the Aquino government and its military, except as enemies of the people for refusing a ceasefire that would facilitate aid to the Typhoon Yolanda victims?

The Aquino government troops showed no compunction in continuing their offensives against the New People's Army even while the region was still reeling from the typhoon's aftermath. Gen. Velarmino's troops from the 8th Infantry Division are still on combat operations under Oplan Bayanihan in the central parts of Samar island. Aside from search and destroy missions, they are also harassing villagers suspected of supporting the NPA. It goes to show the Aquino government and its military have no concern for the plight of the people.

Tacloban City and other calamity areas are virtual garrisons. Right after the typhoon, the Aquino government sent armored cars and armed troops to Tacloban as a “show of force” to the hungry and desperate people, who were not receiving any government aid and commandeering whatever they needed to survive. Today there are several military checkpoints at the entrances and exits to the city, and the people are subjected to curfews, and accosted and treated like criminals. Meanwhile, so-called bunkhouses have been hastily constructed where homeless families are to be herded like cattle into cramped confines. This scenario is replicated in other areas that are suffering from the typhoon's aftermath. All these show the Aquino government regards the people with contempt, showing little concern over their sufferings, and enforcing their subservience to the armed might of the state.

Is the Aquino government refusing a reciprocal ceasefire because it is not serious about long-term reconstruction in Eastern Visayas? At present, the Aquino government is making a mockery of the relief and rehabilitation in region. The typhoon victims live by the day, hoping they will have something to eat the next day, vulnerable to starvation and disease. There is also no long-term plan for the urban and rural poor as well as the middle-class who lost their homes and livelihoods, while the vultures of corruption have started circling. Without any socio-economic reforms, without any public consultation and transparent governance, the big bureaucrats and big businesses will surely take advantage of the people's plight in order to profit from corruption in the massive reconstruction effort needed. As an added insult to the victims of Typhoon Yolanda, the US and Philippine governments are rushing towards an agreement justifying the basing of US military troops in the country in violation of national sovereignty. It seems the reason why there is no ceasefire for Aquino's troops is that they are there to ensure that it will be business as usual in keeping the people in their state of exploitation and oppression.

The people will hold the Aquino regime to account for refusing a reciprocal ceasefire to facilitate aid to the typhoon victims. The victims of Typhoon Yolanda and the rest of the people will surely rise from their grief to demand for a reconstruction favoring the people, as well as socio-economic reforms for the long term in the region and other calamity areas. If the Aquino government cannot bring itself to call even a limited ceasefire in the name of humanity, how much more a just and lasting peace? #

-----------------

Waray Version:

National Democratic Front of the Philippines
Eastern Visayas

Pahayag ha Mantalaan
Nob. 28, 2013

NDFP-EV ginkukundenar an an pagdiri han rehimen Aquino han kabalyo nga ukoy-bubto: “Kun mga kaaway kami han estado, hi kami liwat an kasangkayan han katawhan”

Fr. Santiago “Ka Sanny” Salas, Tagapagyakan
National Democratic Front of the Philippines
Eastern Visayas

Ginkukundenar han National Democratic Front of the Philippines ha Eastern Visayas an gobyerno Aquino komo hul-os nga tampalasan ha pagdiri hini nga batunon an ukoy-bubto han rebolusyonaryo nga kagiusan ha mga lugar nga apektado han Bagyo Yolanda. Gindeklara na han rebolusyonaryo nga kagiusan ha rehiyon an usahan-ka-gapil nga ukoy-bubto tubtob ha butnga han Enero 2014. Masyado nga utok-pulbura labi na an kanan gobyerno Aquino nga kumander han militar ha rehiyon nga hi Maj. Gen. Jet Velarmino, nga nagsering, “Waray kami magdeklara han ukoy-bubto bisan kahuman han bagyo. Mga kaaway hira han estado.”

Kun kami an mga kaaway han estado, hi kami liwat an kasangkayan han katawhan, ngan pirme syahan an ira mga interes. Ha luyo nga bahin, ano an aton matatawag ha gobyerno Aquino ngan militar hini, kundi mga kaaway hira han katawhan ha pagdiri han ukoy-bubto nga magpapadagmit han ayuda ha mga biktima han Bagyo Yolanda?

Waray pasaylo nga ginpapadayon han mga tropa han gobyerno Aquino an ira mga opensiba kontra ha New People's Army bisan kun grabe nga apektado an rehiyon ha paglabay han bagyo. An mga tropa ni Gen. Velarmino tikang ha 8th Infantry Division sige la han ira mga operasyon pan-kombat ha ilarum han Oplan Bayanihan dida ha mga butnga nga parte han isla han Samar. Labot ha mga misyon nga “search and destroy,” gintatarhug liwat nira an mga molupyo nga gintatahapan nga nasuporta ha NPA. Ginpapakita la hini nga waray pag-abat para ha katawhan an goyerno Aquino ngan militar hini.

An Tacloban City ngan iba pa nga mga erya han kalamidad haros mga garison. Kahuman han bagyo, ginpadara han gobyerno Aquino an mga armored car ngan armado nga tropa ha Tacloban komo “pagpapakita han kusog” ngadto ha gutom ngan desperado nga mga molupyo, nga waray nakakarawat nga bulig tikang ha gobyerno ngan ginrekawdar an anuman nga ira kinahanglan para mabuhi. Yana damo an mga tsekpoynt han militar ha mga aragian tipasakob ngan tipagawas ha syudad, gin-iimposar an mga curfew ha katawhan, ngan ginpupugngan ngan gintatrato hira sugad han mga kriminal. Samtang, inapura nga ginhihimo an mga “bunkhouse” nga temporaryo nga urukyan para ha mga pamilya nga waray na mauukyan, kun diin ginduduso hira sugad han mga kahayupan dida ha duro ka guti nga espasyo. An sugad nga ladawan haros pare-pareho ha mga erya nga nagkukuri kahuman han bagyo. Ini ngatanan ginpapakita nga ginmemenos han gobyerno Aquino an katawhan, waray bisan guti nga kabaraka ha ira pagkukuri, ngan ginpupwersa hira nga lumuhod ha armado nga poder han estado.

Nadiri ba an gobyerno Aquino han kabalyo nga ukoy-bubto tungod kay diri ini seryoso ha panmaihaan nga rekonstruksyon ha Eastern Visayas? Ha presente, nagawas nga makalilisang an kunohay bulig ngan rehabilitasyon ha rehiyon. Nabubuhi la ha matag adlaw an mga biktima han bagyo, naglalaum nga mayda hira makakaon ha masunod nga adlaw, ngan bulnerable ha gutom ngan sakit. Waray liwat panmaihaan nga plano para ha mga kablas ha syudad ngan kabaryuhan, ngan butnga klase, nga nawarayan han ira panimalay ngan pakabuhi, samtang an mga buwitre han kurapsyon aada na ha palibot. Kun waray mga sosyo-ekonomiko nga reporma, kun waray konsultasyon ha publiko ngan abyerto nga gobyernuhay, sigurado nga sisingabuton la han mga dagko nga burukrata ngan mga dagko nga negosyo an paghimakuri han katawhan agud makapanhuthot tikang ha kurapsyon dida ha dako nga paningkamot ha rekonstruksyon nga kinahanglan. Komo dugang nga insulto ha mga biktima han Bagyo Yolanda, gin-iinapura yana han mga gobyerno han US ngan Pilipinas an usa nga kasarabutan nga maghahatag rason ha pagbabase han mga tropa han US dinhi ha nasud, nga talapas ha nasyunal nga soberaniya. Baga-baga nga an rason kun kay ano waray ukoy-bubto para ha mga tropa han gobyerno Aquino amo nga aada hira agud siguruhon nga maipadayon la an daan nga kaayusan han panhimulos ngan panraugdaug ha katawhan.

Sigurado nga papagbatunon han katawhan an rehimen Aquino ha pagdiri hini han kabalyo nga ukoy-bubto agud mapadagmit an bulig para ha mga biktima han bagyo. Sigurado nga magbabangon an mga biktima han Bagyo Yolanda ngan an katawhan tikang ha ira kasubo agud magdemanda han rekonstruksyon nga napabor ha katawhan, sugad man an panmaihaan nga mga sosyo-ekonomiko nga reporma ha rehiyon ngan iba pa nga erya han kalamidad. Kun diri kaya han goyerno Aquino nga manawagan bisan ngani han limitado nga ukoy-bubto ha ngaran han pagigin makatawo, asay pa kaya an usa nga makatadungan ngan panmaihaan nga kamurayawan?#