Unite with the people in facing the devastation of Typhoon Yolanda, carry out the temporary and unilateral ceasefire for two months

Fr. Santiago “Ka Sanny” Salas
NDFP-Eastern Visayas
November 25, 2013

Eastern Visayas as well other nearby regions only recently suffered an unparalleled calamity. Typhoon Yolanda, which was estimated to have wind speeds of more than 300 km. per hour, lashed the entire length of the region  for 3-4 hours and caused a 5-meter storm surge that inundated coastas areas. This resulted in thousands of dead, injured and missing, and hundreds of thousands of demolished houses; destruction of important infrastructure for energy, transportation and communication and other public structures; damage to agriculture and the economy in general; mass evacuation of families; and other damage. In the more than two weeks since the storm, the Aquino government has not fully arrived at an accurate picture of the destruction because it has focused only on the urban centers, while remaining ignorant about the situation in the vaster and more numerous towns. Even foreign observers note there is no organized and systematic government response to the calamity.



The revolutionary forces feel for the masses of the people in EV in the wake of Typhoon Yolanda's devastation, which comes on top of the sufferings they already undergo under the exploitative and oppressive ruling system. We must care for and lead the masses in overcoming the present situation. In the next two to six months, this should be the principal concern of the revolutionary forces, according to the extent of the gravity of the damage to the life and livelihood of the masses. We will carry out during this period a temporary and unilateral ceasefire against the reactionary armed forces, while maintaining strict security and the readiness all the time to defend ourselves if the enemy attacks.

We call the attention of the Red commanders and fighters under the Efren Martires Command-New People's Army to the following order of the Executive Committee of the Regional Committee-Eastern Visayas of the Communist Party of the Philippines last November 12:

“1. Offensive operations are suspended from here on until the middle of January  (2 months).

“2. An active defense posture shall be maintained such as remaining on strict security, being always ready to face enemy attacks, and the carrying out of military training during this period.

“3. The Party leadership in EV shall communicate again through the ROC [Regional Operations Command) whether the ceasefire period should be lifted or extended.”

The mass movement must be active in carrying important issues to surmount the disaster. The mass movement must banner the urgent needs of the masses of the people for housing, food, clothing, medicine and livelihood projects for rehabilitation. The recurring neglect and corruption by officials of the reactionary government tasked with relief operations and funds for the people must be denounced. Campaigns for production and cooperation must be carried out. The rising prices of the people's basic needs must be protested, especially that of food as well as gasoline, electricity, LPG, medicine, housebuilding materials, and others.

There can be many courses of action. There can be various local ways of community spirit and cooperation (tiklos, aglayon,pintakasi), building houses and the restoration of public structures. Organized demands must be pushed through such as calling for the Aquino government's action towards solving the problems of hunger, thirst, illness, and other results of Typhoon Yolanda. Mass actions must be carried out against the higher costs of not only food but also gasoline, transportation fares, electricity and others. Mass campaigns for planting must be carried especially that could immediately yield results, as well as work for cash. There must be mass actions against militarization. Depending on the hotness of the issue, there can be mass actions at the municipal or inter-municipal level.

Documentation must be carried out to ascertain the severity of the damage caused by the storm, such as  the dead, injured, destroyed homes, and also farm animals, agricultural crops and infrastructure, as these will serve as the bases for mass campaign struggles. The Party, NPA and the mass organzations must be united about the urgency in jointly addressing this issue as their primary concern. The mass movement is the key means towards solving the problems caused by the storm, thus we must reinvigorate this along with closely monitoring and guiding. The Party members at the basic level must lead the way in the mass movement and serve as examples to the people in serving and leading the masses. The people's army must particupate in the production for food and in joining hands in repairing and building houses and the restoration of public structures.

Support for the masses must also be obtained from the upper classes, humanitarian organizations and allies in the reactionary government. The mass organizations and the people should get the support of the friendly elements within and outside the bureaucracy, humanitarian and civic organizations, and others. The organizations and alliances of the people must actively seek support and funding from friends in the government, especially those who have the funds and aid supplies for the victims, and the international organizations as well.

The calamity victims and the people must do propaganda actively. They must condemn the Aquino government's obliviousness, superficiality, hypocrisy in aiding the victims, and looting of government calamity funds and humanitarian aid from abroad, The price hikes of basic goods and services must be protested. In the face of natural calamity, the inutility and corruption of the Aquino government can be further exposed and linked to issues such as the pork barrel scandal.

The Aquino regime must be slammed for its militarist approach to the problems of hunger, thirst and sickness, as well as the continuation of military operations in the countryside. The Aquino regime must be held accountable for its arrogance and derision of the people's desperation and in showing armed force rather than humane aid. The Aquino regime's psywar vilification of the revolutionary movement  must be exposed and opposed, such as its claims of harassment of the relief convoys and the allegations of taking advantage of the calamity to sow chaos. The regime is doing this to gain the upper hand and mislead the people that it is taking care of the calamity victims. The US must also be condemned for taking advantage in sending warships including those with nuclear weapons on the pretext of aiding the calamity victims.#


====================


Makig-usa ha katawhan ha pag-atubang han mga kahibangan han Bagyo Yolanda, ipatuman an temporaryo ngan usahan-ka-gapil nga duha ka bulan nga ukoy-bubto


Fr. Santiago “Ka Sanny” Salas

NDFP-Eastern Visayas
Nobyembre 25, 2013

Inagi an Eastern Visayas yana pa la sugad han iba nga rehiyon nga kahigrani hin grabe nga kalamidad nga waray pa nahiuna nga kapareho. An Bagyo Yolanda nga gintatantiya nga 300 km. kada oras an kakusgon han hangin, in nagkuru-kuso han bug-os nga kahilaparon han rehiyon ha 3 ngada 4 ka oras ngan nagdara hin hitaas nga pagsugok o dulok (storm surge) nga 5 ka metros nga nagbalnas han higluag nga kapatagan ligid han dagat. Nagdurot ini hin yukot-yukot nga patay, samaran ngan nawawara, pira ka gatos ka yukot nga nabungkag nga balay; kahibangan ha mga importante nga impraestruktura ha enerhiya, transportasyon ngan komunikasyon  ngan iba pa nga estruktura pampubliko; kahibangan ha mga agrikultura ngan ekonomiya ha kabug-osan; parupamilya nga nag-eebakwit ha iba nga rehiyon; ngan damo pa nga iba nga destroso. Ha sakob han nakalabay nga sobra duha ka semana tikang han bagyo, diri pa ngani natitirok han reaksyunaryo nga gobyerno Aquino an eksakto nga mga datos han kahibangan tungod kay nakasentro la ini ha mga sentro nga syudad ngan higluag pa ngan damo nga mga bungto an diri nira nahihibaruan an kahimtang. Sering pa bisan han mga langyaw nga tag-obserbar, waray pa organisado ngan sistematiko nga pitad an gobyerno ha pag-atubang hini nga kalamidad.

Abat han mga rebolusyonaryo nga pwersa an grabe nga epekto han Bagyo Yolanda  ha haluag nga katawhan ha EV nga daan na nga ginpapakurian han matiyupion ngan madarahug nga sistema han paghahadi ha katilingban. Kinahanglan ugupan naton ngan pamunuan an masa ha paglapay hini nga kahimtang. Ha sakob han duha ngada unom ka bulan, angay ini nga magin nangunguna nga duon han mga rebolusyonaryo nga pwersa depende han kagrabihon han kahibangan ha kinabuhi ngan pakabuhi han masa. Ipapatuman naton hini nga panahon an temporaryo ngan usahan-ka-gapil nga ukoy-bubto ha reaksyunaryo nga armado nga pwersa samtang hugot nga katin an seguridad ngan permi andam magdepensa kun kita an gin-aatake han kaaway.

Iginpapasabot naton ha mga Pula nga kumander ngan mangaraway ilarum han Efren Martires Command-Bagong Hukbong Bayan an masunod nga mandasyon hadin Nobyembre 12, 2013 han Komite nga Tagpatuman han Komiteng Rehiyon ha Eastern Visayas han Partido Komunista han Pilipinas:

“1. Ipapatuman an pag-ukoy han opensibo nga mga atake tikang yana tubtub kabutngaan han Enero (2 ka bulan).

“ 2. Igpapadayon an aktibo nga depensa nga postura sugad han hugot nga pagkatin han seguridad, pagin andam permi ha pag-atubang han mga atake han kaaway, ngan ipatuman an mga treyning militar nga kaya hini nga panahon.

“3. Mapaabot utro an pamunuan han Partido ha EV pinaagi han ROC [Regional Operations Command] kun ig-uundang o dudugngan an panahon han ukoy-bubto.”

Kinahanglan nga aktibo an kagiusan masa ha pagdara han mga importante nga isyu para ha paglapay hini nga remalaso. Dapat dad-on han kagiusan masa an kadagmitan nga panginahanglan han hiluag nga masa han katawhan para han balay, pagkaon, panugnit, medisina ngan proyekto para panginabuhi para han paghibauli. Dapat kundenaron an kapabayaan ngan pangungurakot sugad han permi na la han mga nangunguna nga tawohan han reaksyunaryo nga gobyerno ha pagdumara han relief ngan mga pundo para ha katawhan. Angay nga ig-insister an mga kampanya ha produksyon ngan kooperasyon. Dapat iprotesta an paghitaas han presyo han batakan nga panginahanglan han katawhan labi na an pagkaon upod na an presyo han gasolina, kuryente, LPG, medisina, mga kagamitan ha pagbalay, ngan iba pa.

Damo an posible nga mga pamaagi han paggios. Aada an tiklos, aglayon, pintakasi, paghimo han mga balay ngan pagbalik han mga estruktura nga pampubliko. Iduso an organisado nga pagdemanda hin aksyon han gobyerno Aquino ha pagsolbar han mga problema han gutom, uhaw, sakit, ngan iba pa nga resulta han Bagyo Yolanda. Maglansar han mga aksyon masa kontra han paghitaas han mga presyo han mga batakan nga panginahanglan han katawhan labi na an pagkaon pero upod na an gasolina, pasahe, kuryente ngan iba pa. Maglansar han mga kampanya panmasa para han paninanum labi na para han madarudagmit makuhaan hin kutsetsa ngan para han mga sugabin nga trabaho para han cash. Dapat iduso an mga aksyon masa kontra han militarisasyon. Depende han kapaso han isyu ngan kaandaman han masa, poyde an pambungto o interbungto nga mga aksyon masa.

Dapat maghimo han mga dokumentasyon agud makita an kagrabihon ha igindurot nga kahibangan han bagyo sugad han patay, samaran, nahibang nga balay, sugad man liwat ha mga hayop, agrikultural nga tanum ngan impraestruktura, komo basaranan han iglalansar nga pakigbisog ngan kampanya masa. Dapat magkaurusa an Partido, BHB ngan mga organisasyon masa kabahin han kadagmitan nga panginahanglan nga duruyog nga maghatag hin nangunguna nga pagtagad hini nga isyu. Kagiusan masa an nangunguna nga kinaiya han pagsolbar han mga problema durot han bagyo, sanglit kinahanglan buhion naton ini ngan hugot nga subaybayan ngan giyahan. An mga kaapi han Partido ha batakan nga lebel kinahanglan ungod nga manguna han kagiusan masa ngan magin modelo ha katawhan ha tangkud nga pagserbe ngan pamumuno ha masa. Angay liwat bumulig an hukbo han katawhan ha produksyon para ha pagkaon ngan ha tiklod/aglayon ha pangayad/paghimo han mga balay ngan pagbalik han mga estraktura nga pampubliko.

Kinahanglan makakuha liwat han suporta para ha masa tikang ha igbaw nga mga klase, makatawo nga mga organisasyon ngan ha mga alyado ha reaksyunaryo nga gobyerno. An mga organisasyon masa ngan an katawhan angay makakuha hin suporta tikang ha makisangkayon nga mga elemento ngan grupo sakob ngan gawas han burukrasya, mga makatawo ngan sibiko nga organisasyon, ngan iba pa. Dapat aktibo nga gumios an mga organisasyon ngan alyansa han katawhan ha pag-aro ngan pagkuha hin pondo o ayuda tikang ha mga sangkay ha gobyerno labi na an nagkakatin han pundo ngan suplay pan-ayuda ha mga biktima, hasta ha mga internasyunal nga organisasyon.

Angay nga magin aktibo ha propaganda an mga biktima han kalamidad ngan an katawhan. Dapat kundenaron an kanan gobyerno Aquino kapabayaan, harapaw, pakitang-tao nga ayuda ha mga biktima, pagkurakot han pundo han gobyerno para ha kalamidad ngan han maktawo nga ayuda tikang ha langyaw nga nasud. Kinahanglan magprotesta kontra ha paghitaas han presyo han batakan nga epektos ngan serbisyo. Atubangan han problema han natural nga kalamidad, maupay nga masumpay ngan madun-an liwat an kawaray pulos ngan kurapsyon han rehimen Aquino labi na an isyu han iskandalo nga pork barrel.

Dapat kundenaron an militarista nga pamaagi han rehimen Aquino ha pag-atubang han problema han gutom, uhaw ngan sakit, sugad man an pagpapadayon han mga operasyon militar ha kabaryuhan. Angay sukton an rehimen Aquino ha arogansya ngan pagtamay hini ha desperasyon han katawhan ngan an pagpakita han armado nga kusog imbes han makatawo nga bulig. Dapat ibuksas ngan atuhan an mga saywar nga pakaraut han rehimen Aquino ha rebolusyonaryo nga kagiusan, sugad han panharas kuno han mga relief convoy ngan pagsingabot ha kalamidad agud makadurot han kasamok. Ginhihimo ini han rehimen Aquino agud umungbaw ngan malipat an katawhan kabahin han pagpanginano han mga biktima han kalamidad. Dapat liwat kundenaron an pagsingabot han US nga sumakob an ira mga barko nga pan-gerra upod na an mga armas nukleyar ha ngaran han ayuda ha mga biktima han kalamidad.