Pwersa sa PNP-CARAGA ug PNP-Surigao del Norte, naigo sa CDX sa BHB

Ka Maria Malaya
NDFP-Northeastern Mindanao
Disyembre 14, 2013

Lampos nga napabuto ang usa ka command detonated explosive (CDX) nga gi-atang  sa gerilya platun sa BHB Bacuag-Tubod, Front 16, Surigao del Norte niadtong Disyembre 14, 2013 sa may alas 2:44 sa hapon, didto sa Brgy. Dugsanong, Bacuag, Surigao del Norte. Giatang kini nga CDX batok sa nagpadayong operisyon militar sa kabukiran sa maong lugar apan ang naigo mao ang patrol car nga gisakyan sa opisyal sa PNP-Police Regional Office 13 (PNP-PRO13), uban sa laing 5 pa ka membro sa PNP Bacuag, Surigao del Norte.

Igo lamang nakuratan ang 6 ka pulis sa dakung buto sa CDX. Nakapadagan pa kini sila sa ilang sakyanan sa dihang gi-assault sa mga Pulang manggugubat ang nabuthan nga patrol car.  Sakay sa patrol car sa PNP Bacuag sila, PCINSP Rudy Elandag, SPO3 Benerando Rana, SPO1 Robert Tila, SPO1 Larry Escutin, PO2 Franklin Parejo ug PO2 Hazel Canon. Naigo  ang maong patrol car pabalik sa lungsod gikan sa bukid.



Nahibaloan nga sa maong adlaw giturn-over ang proyektong kalsada sa Brgy. Payapag, Bacuag, Surigao Norte. Nakatakdang motambong sa pagturn-over ang gobernador sa Surigao del Norte nga si Sol Matugas ug OPAP Secretary Deles. Tungod sa hitabo didto nalang sila sa sentro sa lungsod sa Bacuag. Ang opisyal sa PNP-PRO13 ug kapulisan kompyansa nga misaka sa Brgy. Payapag sa pagtuo nga naabog na ang BHB sa maong lugar tungod sa presensya sa mga tropa sa 30th IB PA sa kabukiran ibabaw sa barangay.

Igo lamang nakuratan o nalipong ang 6 ka pulis nga sakay sa patrol car tungod kay ang gigamit nga CDX walay mga balinis. Wala usab masentro sa dakung buto ang maong patrol car kay tua na kini sa pikas nga linya sa kalsada kay pabalik na kini. Ang giatang nga CDX anaa linya sa kalsada nga pasulod sa barangay. Tungod niini nakapadagan pa sa ilang patrol car nga igo lang nabuak ang samin sa atubang, sa dihang gimaniobra paduol sa mga Pulang manggugubat aron sa pagkuha unta sa mga armas. Singko minutos human sa hitabo naka-abot na dayon ang duha ka sakyanan sa militar ug usa ka APC. Luwas nga naka-atras ang mga membro sa gerilyang platun sa BHB Bacuag-Tubod ubos sa BHB Front 16, NEMR.