Duha ka sundalo sa 8th IB PA - POW sa NPA


Allan Juanito
Julito Tiro Command - NPA-North Central Mindanao Region
Agosto 26, 2014


Naaresto sa usa ka yunit sa New People’s Army ilalum sa South Central Bukidnon Sub-Regional Command ang duha ka sundalo sa 8th IB PA nga namalengke niadtong alas 5 sa hapon sa Agosto 22, 2014 sa Buntungon, Impasug-ong Bukidnon.  Si Pvt. Marnel Tagalogon Cinches, 23 anyos, SN 895243 ug Pvt. Jerrel Hapay Yorong, 28 anyos, SN 895633 kabahin sa usa ka iskwad nga tropa sa Bravo Company sa 8th IB nga nagahimo og COPD sa Barangay Buntungon.  Nakuha gikan sa ilang posesyon ang ilang usa ka pistolang kalibre .45 ug mga bala sa M203 ug M16.

Samtang ginahimo ang pagtuki kun aduna ba sila’y giatubang nga mga kaso ug reklamo sa katawhan, giatiman sila sa usa ka custodial unit sa NPA subay sa gitakda sa mga lagda sa balaud sa gubat isip prisoners of war.  Among ipadangat ngadto sa ilang mga pamilya ug kahigalaan nga anaa silang duha sa maayong panglawas ug luwas nga kahimtang.
Pinirmahan,