Intensify tactical offensives to defeat Oplan Bayanihan and overthrow the US-Aquino regime

Ka Karlos Manuel
Efren Martires Command, NPA-Eastern Visayas
August 29, 2014

The Efren Martires Command (EMC) of the New People's Army (NPA) in Eastern Visayas (EV) commends all the Red commanders and fighters in the region for their heroic efforts in the past two years. The US-Aquino regime's Oplan Bayanihan is a dismal failure based on the two-year assessment (July 2012-July 2014) of the Regional Operations Command. But the Armed Forces of the Philippines (AFP) is daydreaming that it can reduce the NPA in the region to inconsequence by 2016 and turn over “counterinsurgency” operations to the Philippine National Police.

It is more likely that Aquino will be booted from power and his fascist troops will be following in his downfall.

With the region as one of its national priorities since 2012, the US-Aquino regime stepped up its “peace and development team” (PDT) operations, combat operations and the “convergence approach” that used various government agencies to deceive the people. The Regional Operations Command estimates the 8th Infantry Division (8th ID) launched as many as 10,000 combat operations up to division level. The PDT operations also covered 48 towns and 136 barangays in Samar and Leyte. The 8th ID concentrates its attacks on the “triboundary” area in Samar where the three provinces meet and where it believes the guerrilla bases are strongest. The 8th ID's priority areas include Northern Samar, Western Samar and Northern Leyte.

But the 8th ID paid dearly for its Oplan Bayanihan in EV, suffering a total of 341 casualties: 255 killed in action and 86 wounded in action. The enemy casualties are a far cry from the NPA losses of 14 killed in action, eight wounded in action, and 18 captured by the enemy.

The 8th ID is striving to pit one battalion per guerrilla front, but its forces are too overstretched. While it may be able to concentrate on 10% of an area at a given time, the NPA is still free to move in 90%. The 8th ID also cannot cover up the failure of the reactionary government to deliver basic services through its “bayanihan activities” such as medical and dental missions, tree planting, and other such tokenisms. The 803rd Infantry Brigade carried out 52 such activities, the 87th IB 20 more, and the 19th IB in one year 80 such activities. The human rights violations that arise from militarization furthermore highlight the anti-people character of Oplan Bayanihan. 

The US-Aquino regime also cannot continue deceiving the people with its “convergence approach” or the mobilization of other government agencies for “counterinsurgency.” This comprises the pouring of billions of pesos into projects in areas deemed as guerrilla bases, including various construction projects. These include the ₱470 million projects on Samar island by the Payapa at Masaganang Pamayanan or PAMANA that targets the mass base of the NPA, and under the Office of the Presidential Adviser on the Peace Process. There are also the ₱12 billion Regional Peace and Order Council road projects, the 14 tourism projects worth ₱888.8 million, and the ₱1.6 billion Samar Pacific Coastal Road and ₱900 billion Samar Peace and Prosperity Road (both in Northern Samar). The biggest project remains the $357.15 million of the US Millennium Challenge Corporation, mainly road projects.

But such projects by the US-Aquino regime do not solve the fundamental problems of the people and serve only to line the pockets of corrupt civilian and military officials. The region is now the second poorest in the country. Millions of Yolanda survivors and the rest of the people in the region suffer from government neglect, landlessness, lack of social services, rising prices of basic commodities, militarization and other burdens.

The NPA is thus poised to intensify tactical offensives in the region to ensure the defeat of Oplan Bayanihan and to support the people's struggle to overthrow the regime. It is the responsibility of the NPA in the region to participate in the national effort to intensify guerrilla warfare and advance the people's war to the strategic stalemate from the strategic defensive. This will contribute to the political climate favorable for the overthrow of the US-Aquino regime. It is also the duty of the NPA in the region to support our comrades in Mindanao by tying down the AFP troops and preventing their deployment to that island, the current target of all-out offensive by the regime. By intensifying guerrilla warfare, the reactionary government will also be forced to return to the peace talks with the National Democratic Front of the Philippines.

All NPA forces in the region are abiding by the national directive of the Communist Party of the Philippines to carry out tactical offensives in the remaining months of the year. We will strive for tactical offensives that are annihilative, confiscate arms and with political impact. We will combine these with attritive actions such as sniping and the punishment of enemy spies.

While we are carrying out tactical offensives, we will pay attention to related work to widen and consolidate our guerrilla bases and zones, strengthening the mass organizations and organs of political power, advancing the agrarian revolution and launching mass struggles.

By advancing the armed struggle, the people can best express their outrage through the principal form of struggle against the puppet, oppressive, corrupt and brutal US-Aquino regime. Thus, the Efren Martires Command is ready to carry out its mission as the main weapon of the people for national and social liberation! #

Waray Version

Pakusgon an mga taktikal nga opensiba agud pakyason an Oplan Bayanihan ngan patalsikon an rehimen US-Aquino

Ka Karlos Manuel, Tagapagyakan
Efren Martires Command, NPA-Eastern Visayas
Agosto 29, 2014

Ginsasaludaran han Efren Martires Command (EMC) han New People's Army (NPA) ha Eastern Visayas (EV) an ngatanan nga mga Pula nga kumander ngan mga mangaraway ha rehiyon tungod han ira mabayanihon nga mga paningkamot ha naglabay nga duha katuig. Usa nga dako nga kapakyasan an Oplan Bayanihan basar ha duha katuig nga asesment (Hulyo 2012-Hulyo 2014) han Regional Operations Command. Kundi nag-iininop an Armed Forces of the Philippines (AFP)  nga maiibanan tubtob mawarayan na hin impluwensya an NPA ha 2016 ngan maipapasa na an “kontra-insurhensiya” nga mga operasyon ha Philippine National Police.

Hi Aquino pa lugod an segurado nga mapapatalsik ha poder ngan masunod ha iya pagbagsak an iya pasista nga mga tropa.

Komo usa nga nasyunal nga prayoridad hini an rehiyon tikang 2012, ginpakusog han rehimen US-Aquino an kanan “peace and development team” (PDT) nga mga operasyon, pankombat nga mga operasyon ngan an “convergence approach” gamit an magkadurudilain nga mga ahensya han gubyerno agud uwaton an katawhan. Gintatantiya han Regional Operations Command nga nakaglansar an 8th Infantry Division (8th ID) hin haros 10,000 nga mga pankombat nga operasyon tubtob ha dibisyon nga balitang. An mga operasyon han PDT naglulupgop han 48 nga mga bungto ngan 136 nga mga baranggay ha Samar ngan Leyte. Ginkokonsentra han 8th ID an mga atake ha erya han “triboundary” ha Samar kun diin nagtutugkop an tulo nga mga prubinsya ngan kun diin gintutuohan hini nga pinakamakusog an mga gerilya nga base. Prayoridad nga mga erya han 8th ID an Northern Samar, Western Samar ngan Northern Leyte.

Kundi nagbayad hin mahal an 8th ID para han Oplan Bayanihan hini ha EV, kun diin nahiagum ini hin kabug-osan nga 341 nga kaswalti: 255 nga napatay ha agway ngan 86 nga nasamaran ha agway. Ura-ura kahirayo an kaswalidad han kaaway ha nahiaguman han NPA nga 14 nga namatay ha agway, walo nga nasamaran ha agway ngan 18 nga nadakop han kaaway.

Naniningkamot an 8th ID nga tugbangan hin usa kabatalyon an kada prente gerilya, kundi ura-ura kaunat an mga pwersa hini. Samtang posible ini makagkonsentra ha 10% han erya ha usa kapanahon, libre pa gihap an NPA nga gumios ha 90%. Diri gihap matatahuban han 8th ID an kapakyasan han reaksyunaryo nga gubyerno nga makaghatag hin batakan nga mga serbisyo pinaagi han iya “bayanihan nga mga aktibidad” sugad han medical ngan dental nga mga misyon, pananum hin mga puno ngan iba pa nga mga harapaw nga serbisyo. Nakaglansar an 803rd Infantry Brigade hin 52 han nasering nga mga aktibidad, sobra 20 an ha 87th IB, ngan 80 naman nga kapareho nga mga aktibidad an kanan 19th IB ha usa katuig . An mga panalapas han tawhanon nga katungod tumikang han militarisasyon dugang pa nga nagpapalandaw han kontra-katawhan nga kinaiya han Oplan Bayanihan.

Diri gihap padayon nga mauuwat han rehimen US-Aquino an katawhan ha “convergence approach” o an pagpagios han iba pa nga mga ahensya han gubyerno para ha “kontra-insurhensiya”. Ginkokomponer ini han pagbuhos han pira kabilyon kapisos ha mga proyekto ha mga lugar nga gintutuohan nga mga gerilya nga base, lakip na an magkadurudilain nga mga proyekto nga konstruksyon. Lakip dinhi an ₱470 milyon nga mga proyekto ha isla han Samar pinaagi han Payapa at Masaganang Pamayanan o PAMANA nga nagtatarget han mga panmasa nga base han NPA, ilarum han Office of the Presidential Adviser on the Peace Process. Aada gihap an ₱12 bilyon nga proyekto nga kakalsadahan han Regional Peace and Order Council, an 14 nga panturismo nga mga proyekto nga nagkakantidad hin ₱888.8 milyon, ngan an ₱1.6 bilyon nga Samar Pacific Coastal Road ngan ₱900 bilyon nga Samar Peace and Prosperity Road (ngaduha ha Northern Samar). Nagpapabilin nga pinakadako an $357.15 milyon nga proyekto han US Millennium Challenge Corporation, nga kadak-an mga proyekto nga kakalsadahan.

Pero an sugad nga mga proyekto han rehimen US-Aquino diri nagsosolbar han mga pundamental nga problema han katawhan ngan nagseserbe la nga pampadakmol han bursa han mga kurap nga sibilyan ngan upisyal han militar. An rehiyon amo yana an ikaduha nga pinakakablas ha nasud. Pira kamilyon nga mga nakatalwas ha Yolanda ngan an katawhan ha rehiyon nagkukuri tumikang han pagpasibaya han gubyerno, kawaray tuna, kawaray batakan nga pankatilingban nga mga serbisyo, paghitaas han presyo han batakan nga mga papliton, militarisasyon ngan iba pa nga mga pakuri.

Ha sugad nakatutok an NPA ha pagpakusog han mga taktikal nga opensiba ha rehiyon agud seguraduhon an pagpakyas ha Oplan Bayanihan ngan agud suportahan an pakigbisog han katawhan nga patalsikon an rehimen. Responsabilidad han NPA ha rehiyon nga pumartisipar ha nasyunal nga paningkamot agud pakusgon an gerilya nga pakiggerra ngan isulong an gerra han katawhan ha estratehiko nga pagkapatas tikang ha estratehiko nga depensiba. Makakaamot ini ha pulitikal nga klima nga paborable ha pagpatalsik han rehimen US-Aquino. Responsabilidad gihap han NPA ha rehiyon nga suportahan an aton mga kasama ha Mindanao pinaagi han paghigot han mga tropa han AFP ngan pugngan an pagdeploy ha ira ngadto hito nga isla, an presente nga target han hul-os nga opensiba han rehimen. Pinaagi han pagpakusog han gerilya nga pakiggerra, mapupwersa an reaksyunaryo nga gubyerno nga balikan an erestorya pankamurayawan ha National Democratic Front of the Philippines.

Ginsusunod han ngatanan nga mga pwersa han NPA ha rehiyon an nasyunal nga direktiba han Partido Komunista han Pilipinas nga maglansar hin mga taktikal nga opensiba ha nasasalin nga mga bulan han presente nga tuig. Maniningkamot kita para han mga taktikal nga opensiba nga anihilatibo, nakakakumpiska hin mga armas ngan may pulitikal nga epekto. Ikukumbina naton ini ha mga atritibo nga aksyon sugad han pag-isnayp ngan pagsirot ha mga espiya han kaaway.

Samtang ginlalansar naton an mga taktikal nga opensiba, hahatagan naton hin hugot nga pagtagad an mga kasumpay nga buruhaton agud pahiluagon ngan konsolidahon an aton mga gerilya nga base ngan sona, padig-unon an mga panmasa nga organisasyon ngan mga organo han poder pampulitika, pagpasulong han agraryo nga rebolusyon ngan paglansar hin mga panmasa nga pakigbisog.

Pinaagi han pagpasulong han armado nga pakigbisog, pinaagi han prinsipal nga porma han pakig-away pinakaepektibo nga maipapahayag han katawhan an ira kangalas ha niyutiyo, matalumpiguson, kurap ngan mabangis nga rehimen US-Aquino. Kun sugad, andam an Efren Martires Command nga ipatuman an iya misyon komo armas han katawhan para ha nasyunal ngan pankatilingban nga katalwasan!#