Promotion of brutal 4th ID commander, furtherance of Palparan culture

Ka Allan Juanito
NPA North Central Mindanao Regional Command
September 10, 2014

The promotion of 4th Infantry Division commander Major General Ricardo Visaya to the Southern Luzon Command in September 10, 2014 is a furtherance of the Palparan culture in the Armed Forces of the Philippines. The only basis for his promotion is his bloody record of human rights violations and massive corruption amidst the AFP’s failure to curtail the growing strength of the revolutionary movement in the region.

If Maj. Gen Visaya has had any success during almost a year and a half as 4th ID commander, it is in fattening his purse through corruption, particularly from the funds for the four batches of fake surrender ceremonies. Here he has starkly exposed to the public the systematic plunder of military officers and their exploitation of the poverty of the more than 200 civilians they used in the program.


As a former right-hand man of (Ret.) Gen. Jovito Palparan, Visaya’s uniform and medals are bathed in blood with his countless violations of human rights of civilians. Under his command, troops of the 8th IB and Salusad’s paramilitary group killed lumad leaders Mabini Manobia and Zaldy Ambayot in San Fernando, Bukidnon in October 17, 2013; they ambushed and killed the peasant leader, Julieto Lauron, last February 5 in Valencia City, wounding his companion, Nermie Lapatis; 8th IB troops also killed the activist, Maricel Lambon in August 15, 2014 in Impasug-ong, Bukidnon; and 26th IB troops strafed and killed the peasants, Iya Manlapinday and Oto Prisyoso in San Luis, Agusan del Sur last August 15, 2014.

In April 27, 2014, they arrested Estelita Tacalan in Cagayan de Oro and falsely accused her of being an NPA leader. Reynaldo Gundaya, Dodo Bernas and Joel Yagao were also imprisoned for trumped-up charges in Misamis Oriental. They are among the 27 people falsely accused of the killing of the escorts of former Gingoog City Mayor Ruthie Guingona. Just this September 5, 2014, they even arrested a former NPA member who already surrendered to them and worked as a construction worker in Cagayan de Oro. Victoriano Dimco was presented as vice-chairman of a front committee.

Furthermore, thousands were victimized by indiscriminate bombing, strafing, forced evacuations, hamletting, food blockades, intimidation, robbery and other military abuses in the course of combat, intelligence and psywar operations of the 4th ID in the countryside. Even the city of Cagayan de Oro, where the people’s militant movement is strong, was militarized through the Bayanihan Alert for Peace and Development (BAPD) program.

But the greatest blow against Visaya is the intensifying NPA offensive actions in the region even as he continually downplays the strength of the revolutionary movement. He failed to protect exploitative companies like Del Monte, Sumifru, Dole, Shannalyne, Provident Tree Farm Inc., Mega Farm, Agrinanas, Kiantig Farm and others from being attacked by the NPA. In encounters with the NPA, the 4th ID, as well as the Marine Battalion Landing Team 3 that was assigned here last year, suffered hundreds of casualties. The NPA attacked many of their detachments and the detachment in Lantad was stripped of its whole armory in September 2013. Despotic politicians with crimes against the people were also punished. Carmen Mayor Ramon Calo was raided and disarmed while Impasug-ong Mayor Mario Okinlay and Opol Councilor Anggong Abuhan were killed.

Before leaving, Maj. Gen. Visaya neglected the two soldiers, Pfc. Cinches and Pfc. Yorong, who were captured by the NPA in Bukidnon. The 4th ID insisted on rescuing the two through their military operations which further endangers the lives of the prisoners of war. In refusing to suspend their operations so the NPA can release the two, the AFP rejected the revolutionary movement’s gesture of goodwill and sincerity for the resumption of peace talks with the Aquino government.

Upon leaving the 4th ID, Visaya brings along his failures as well as the people’s indignation. This certainly is a serious challenge for his replacement, Maj. Gen. Oscar Laktaw.

_______________________________________


Promosyon sa mangtas nga kumander sa 4th ID, pagpadayon sa kulturang Palparan

Ka Allan Juanito
NPA North Central Mindanao Regional Command
Septembre 10, 2014

Ang promosyon ni 4th Infantry Division commander Major General Ricardo Visaya ngadto sa Southern Luzon Command karong Septembre 10, 2014 pagpadayon lang sa kulturang Palparan sa Armed Forces of the Philippines kansang sukdanan sa promosyon mao ang duguong rekord niini sa paglapas sa tawhanong katungod ug dinagkung korapsyon taliwala sa mga kapakyasan sa AFP batok sa nagkakusog nga rebolusyonaryong kalihukan sa rehiyon.

Kung aduna may kalampusan si Maj. Gen. Visaya sulod sa halos usa ka tuig ug tunga nga pagpangulo niini sa 4th ID, kini mao ang pagpaburot sa iyang kaugalingong bulsa gikan sa iyang korapsyon ilabina sa pondong gigahin alang sa upat ka hugna nga mga pekeng pagpasurrender. Dinhi, dayagan niyang nabutyag sa publiko ang sistematikong pagpangawkaw sa mga opisyal-militar sa pagpahimulos sa kawad-on sa sobra 200 ka mga sibilyan nga ilang gigamit sa nasangpit nga gatasang programa.

Isip kanhing tuong kamot ni (Ret.) Gen. Jovito Palparan, nabulit sa dugo ang uniporme ug medalya ni Visaya gumikan sa nagtipun-og niya nga paglapas sa tawhanong katungod sa mga sibilyan. Ubos sa iyang kumand, gipatay sa sundalo sa 8th IB ug grupong paramilitar ni Salusad ang mga lider-lumad nga silang Mabini Manobia ug Zaldy Ambayot sa San Fernando, Bukidnon niadtong Oktubre 17, 2013; gibanhigan-patay sa Valencia City, Bukidnon niadtong Pebrero 5 ang lider mag-uumang si Julieto Lauron, samtang samdan iyang kuyog nga si Nermie Lapatis; gipatay sab sa mga elemento sa 8th IB ang aktibistang si Maricel Lambon niadtong Agosto 15, 2014 didto sa Impasug-ong, Bukidnon; ug giistraping-patay sa 26th IB ang mga mag-uuma nga silang Iya Manlapinday ug Oto Prisyoso sa San Luis, Agusan Sur niadtong Agosto 15, 2014.

Gidakop ug gipasanginlan nga lider sa NPA si Estelita Tacalan, niadtong Abril 27, 2013 sa Cagayan de Oro. Gibalhog sab gumikan sa ginama-gamang mga kaso silang Reynaldo Gundaya, Dodo Bernas ug Joel Yagao sa Misamis Oriental. Kabahin sila sa 27 ka tawo nga gipasanginlan sa pagkapatay sa mga escort ni kanhing Gingoog Mayor Ruthie Guingona. Niadtong Septembre 5, 2014, bisan ang kanhing NPA nga nagsurrender kanila ug karon construction worker sa Cagayan de Oro nga si Victoriano Dimco gidaginot pa nila og dakop ug gitudlong vice-chairman sa usa ka panggubatan.

Liboan pa ang nabiktima sa paturagas nga pagpamomba, istraping, pagpamakwit, hamleting, food blockade, pagpanghulga, kawat ug uban pang abusong militar gumikan sa mga combat, intelligence ug psywar operations sa 4th ID sa kabukiran. Bisan gani sa syudad sa Cagayan de Oro, ubos sa
programang Bayanihan Alert for Peace and Development (BAPD), gimilitarisa ang mga barangay diin kusog ang militanteng kalihukan sa katawhan.

Apan ang pinakadakung tamparos kang Visaya mao ang samot nga pagkusog sa mga opensibang aksyon sa NPA sa rehiyon bisan pa og kanunay niining gipakamenos ang rebolusyonaryong kalihukan. Pakyas siya sa pagpanalipod sa mga mapahimuslanong kumpanya sama sa Del Monte, Sumifru, Dole, Shannalyne, Provident Tree Farm Inc., Mega Farm, Agrinanas, Kiantig Farm ug uban pang giatake sa NPA. Sa mga panagsangka, gatusan na sab ang kaswalidad sa 4th ID, ingon man ang Marine Battalion Landing Team 3 nga gidugang niini sa miaging tuig. Daghang detachment nila ang giatake sa NPA, ug nalimasan sa mga armas ang detachment sa Lantad niadtong Septembre 2013. Gisilotan sab ang mga despotikong mga pulitiko nga adunay dagkung salaod sa katawhan; diin gireyd ug gidis-armahan si Carmen Mayor Ramon Calo ug napatay silang Impasug-ong Mayor Mario Okinlay ug Opol Councilor Anggong Abuhan.

Ayha mibiya si Maj. Gen. Visaya, gitalikdan una niya ang iyang duha ka ginsakpang sundalo nga nabihag sa NPA sa Bukidnon, silang Pfc. Cinches ug Pfc. Yorong. Gipanghingusog sa 4th ID nga i-rescue ang duha pinaagi sa ilang operasyong  militar nga samot nagbutang sa peligro sa mga kinabuhi sa mga nabihag. Sa iyang pagmagahi sa pagsuspinde sa ilang operasyon aron mabuhian sa NPA ang duha, gisalikway sa AFP ang pagpakita og maayong kabubut-on ug sinseridad sa rebolusyonaryong kalihukan nga masubli ang panaghisgot-kalinaw tali sa gubyernong Aquino.

Pagabalunon ni Visaya sa iyang paglakaw ang iyang mga kapakyasan ingon man ang kayugot sa katawhan. Dakung hagit kini sa mopuli kaniya nga si Maj. Gen. Oscar Laktaw.