NDF-EV condemns indiscriminate strafing in civilian communities and other human rights violations in Northern Samar


Fr. Santiago “Ka Sanny” Salas
NDFP-Eastern Visayas

Oktubre 5, 2014

The National Democratic Front of the Philippines in Eastern Visayas strongly condemns the indiscrimate strafing in civilian communities in Lope de Vega last September 28-29, as well as human rights violations in other parts of Northern Samar. We support the people's demands to end Oplan Bayanihan and the militarization of Northern Samar and elsewhere in Eastern Visayas.

Village officials of Brgy. Pagite, Lope  de Vega have trooped to the local government and the media to complain of military operations that put civilians in danger. Last Sept. 22-29, the 34th IB launched search-and-destroy operations in the barangay's subvillages (sitio) of New Sumuroy and Ginbauyan without the knowledge of the village council. The village officials point out this violates the 2008 memorandum of agreement between officials of Lope de Vega's villages and the military that the civilian officials must be informed of any military operations so that civilian lives would not be put at risk.



On Sept. 28, government soldiers indiscriminate strafed allegedly against the New People's Army (NPA), but forcing the majority of residents in the two subvillages to evacuate for safety to the village center. The following day, Sept. 29, two attack helicopters went on aerial strafing of the environs of New Sumuroy, convincing those who remained behind to flee for their lives.

The soldiers only showed themselves in the village on Sept. 30 and left on Oct. 2. Meanwhile, the civilian residents of Brgy. Pagite have been unable to return to their homes because of fear and uncertainty over reckless military operations. Children have been left in shock after their traumatic experiences. Even though it is already the harvest season, the ricefields are rotting because the barrio folk are too afraid to venture out. The people are forced to take refuge in the village center and rely on relief assistance from the local government and humanitarian groups.

The climate of impunity caused by Aquino government forces reigns in other parts of Northern Samar. Only this September, about 100 village officials and leaders of the peasant organization Alyansa han mga Parag-uma Kontra Kakablasan ha Las Navas (APKLAS or Peasant Alliance Against Poverty in Las Navas) petitioned against “peace and development team” (PDT) operations by the military. These PDT operations are in reality psywar, intelligence and combat operations that violate human rights and ruin the livelihood of the peasantry. In fact, suspected military elements gunned down Las Navas town councilor Nelson Mercader last August 5 on the mere accusation he supported the NPA.

There are earlier incidents of human rights violations. There is the harassment and threats by the 34th IB against Raul Durin, a village treasurer in Brgy. Imelda, Las Navas who is accused of supporting the NPA. The 803rd CMO Company also monitors the movement of civilians and threatens reprisals against village residents in Brgy. Osang, Catubig if any soldier were to suffer harm by the NPA. Because of this, the people are reluctant to work in their farms out of fear.

The NDF-EV condemns the 8th Infantry Division's wantons violation of human rights and international humanitarian law. These violations are contrary to the Comprehensive Agreement on Respect for Human Rights and International Humanitarian Law between the NDFP and the Philippine government. The Aquino government's Oplan Bayanihan commits rights violations on a wide scale. The seriousness of Benigno Aquino III for a just and lasting peace is already under question. It is only a matter of time that the people will rise up and oust his corrupt, unjust, pro-imperialist and fascist regime.#

_____________________________

Ginkokondenar han NDF-EV an paturapak nga pangistraping ha mga sibilyan nga komunidad ngan iba pa nga panalapas han tawhanon nga katungod ha Northern Samar (with audio recording)

Fr. Santiago “Ka Sanny” Salas
NDFP-Eastern Visayas

Oktubre 5, 2014

Mahugot nga ginkokondena han National Democratic Front of the Philippines ha Eastern Visayas an waray wantas nga pangistraping ha mga komunidad han sibilyan ha Lope de Vega hadin Setyembre 28-29, sugadman an iba pa nga mga panalapas han tawhanon nga katungod. Ginsusuportahan naton an demanda han katawhan nga ihunong na an Oplan Bayanihan ngan an militarisasyon ha Northern Samar ngan iba pa nga parte han Eastern Visayas.

Kinadto an mga upisyal ha baryo han Brgy. Pagite, Lope de Vega ha lokal nga gubyerno ngan ha masmidya agud igreklamo an mga operasyon militar nga nagbubutang ha mga sibilyan ha kadelikaduhan. Hadin Setyembre 22-29, naglansar an 34th Infantry Battalion hin search-and-destroy nga mga operasyon ha Sitio New Sumuroy ngan Sitio Ginbahuyan nga waray pagpahibaro ha konseho han barangay. Gintudlok han mga upisyal han barangay nga pagtalapas ini ha 2008 nga memorandum of agreement giutan han mga upisyal han mga baryo han Lope de Vega ngan han militar. kun diin ginkasarabutan nga kinahanglan pahibaruon an mga upisyal nga sibilyan kun mayda mga operasyon militar agud diri maibutang ha risgo an kinabuhi han mga sibilyan.

Han Setyembre 28, waray wantas nga nangistraping an mga sundalo han gubyerno ha gin-aalegar nga mga kaapi han New People's Army (NPA), kundi napiritan an mayorya han mga residente han duha nga sityo nga mag-ebakwet ha sentro han barangay para ha ira seguridad. Han sumunod nga adlaw, Setyembre 29, duha nga edro nga pan-atake an nangistraping ha palibot han Sitio New Sumuroy, nga nagduso hadton nagpabilin ha sityo nga pumalagiw agud masalbar an ira kinabuhi.

Nagpakita la an mga sundalo ha baryo han Setyembre 30 ngan nagkagikan han Oktubre 2. Samtang, waray pa bumalik ha ira mga urukyan an mga sibilyan nga residente han Brgy. Pagite tungod han kahadlok ngan kawaray kaseguraduhan tungod han paturapak nga mga operasyon militar. Pinangalasan an mga kabataan kahuman han ira makangingirhat nga mga eksperyensya. Bisan kun panahon na yana han katbari, nadudunot an kahumayan ha mga banika tungod kay nahahadlok gumawas an mga taghimaryo. Napipiritan an mga tawo nga umukoy ha sentro han barangay ngan sumarig ha relief nga ayuda tikang ha lokal nga gubyerno ngan mga tawhanon nga grupo.

Naghahadi an klima han pagpatakas (impunity) nga durot han mga pwersa han gubyerno Aquino ha iba pa nga parte han Northern Samar. Yana pa la nga Setyembre, maabot ha 100 nga mga upisyal han barangay ngan mga lider han organisasyon han parag-uma, an Alyansa han mga Parag-uma Kontra Kakablasan ha Las Navas (APKLAS) an nagpetisyon kontra ha mga operasyon han mga  “peace and development team” (PDT) han militar. Ini nga mga operasyon han PDT ha kamatuoran mga pansaywar, paniktik ngan pankombat nga mga operasyon nga nagtatalapas han mga tawhanon nga katungod ngan naghihibang han pakabuhian han mga parag-uma. Ha kamatuoran, ginpatay han mga gintatahapan nga mga elemento han militar an usa nga konsehal ha bungto han Las Navas nga hi Nelson Mercader hadin Agosto 5 ha simple nga akusasyon nga tagsuporta hiya han NPA.

Mayda pa mga nanhiuna nga mga insidente han panalapas han tawhanon nga katungod. Aada an harasment ngan panarhug han 34th IB kontra kan Raul Durin, usa nga tresurero ha Brgy. Imelda ha Las Navas nga gin-aakusaran nga tagsuporta han NPA. Ginmomonitor gihap han 803rd CMO Company an gios han mga sibilyan ngan gintatarhug nga bubulsan an mga residente ha Brgy. Osang, Catubig kun may-ada bisan usa nga sundalo nga birahon han NPA.  Tungod hini, nagruruhaduha na an mga tawo nga magtrabaho ha ira mga umhanan durot han kahadlok.

Ginkokondenar han NDF-EV an 8th Infantry Division ha waray wantas nga mga pagtalapas han tawhanon nga katungod ngan ha internasyunal nga makatawo nga balaud. Natipa ini nga mga pagtalapas ha Comprehensive Agreement on Respect for Human Rights and International Humanitarian Law giutan han NDFP ngan han gubyerno han Pilipinas. Hiluagan an mga panalapas han tawhanon nga katungod nga ginhihimo han Oplan Bayanihan han gubyerno Aquino. Kwestyunable na an kaseryoso han gubyerno Aquino para ha makatadungan ngan panmaihaan nga kamurayawan. Ha diri maiha, mag-aalsa an katawhan agud patalsikon an iya korap, waray hustisya ngan maka-imperyalista ngan pasista nga rehimen. #

--