Aquino III criminally accountable for ordering 5th PNP SAF to breach Bangsamoro area to please his U.S. boss' “War on Terror”

Ka Oris
February 6, 2015

The NDFP-Mindanao wishes to extend its sympathies to the bereaved families and friends of the fallen 44 PNP SAF troops and 13 paramilitary men, as well as to the families and comrades of the martyrs both of the Bangsamoro Islamic Freedom Fighters (BIFF) and the Bangsamoro Islamic Armed Forces (BIAF), and to all the civilian casualties in the January 25, 2015 battle in the vicinity of Sitio Inogog, Brgy. Tukanalipao, Mamasapano, Maguindanao, when the PNP-SAF breached the territory of the Bangsamoro Islamic Freedom Movement (BIFM) and the Moro Islamic Liberation Front (MILF).  We wish also to express our concern for all the displaced Moro population in the area.

In the battle between the attacking 5th SAF battalion on one side and the defending BIFF, BIAF and the fighting masses on the opposing side, the PNP SAF took the heaviest toll with 44 of its men killed in action, aside from the 13 armed local paramilitary members in its company who were also among the fatalities.  On the other hand, the BIFF sustained 6 dead, the BIAF, 18, while 3 civilians were killed when hit by bullets mainly coming from the intruding PNP SAF.  The number of wounded from both sides was also high.

It is legitimate for the BIFF to engage the intruding government troops since there is no ceasefire agreement between the GPH and the BIFM. And even if a ceasefire agreement exists between the MILF and the GPH, on their own initiative, the members of the MILF 105th brigade nearby lent combat support to their Moro brothers who continue the path of armed struggle for the genuine right to self-determination of the Moro people.  It must be remembered that the MILF 105th Base Command was formerly led by Ustadz Ameril Umbra Kato, the founder of the the breakaway BIFF-BIFM.  Aside from blood relations, as a people they are galvanized by their centuries old struggle for their right to self-determination against oppression and chauvinism.

According to Malacañang, the purpose of the territorial intrusion was to “neutralize” two suspected terrorists, namely Zulkifli bin Hir, alias “Marwan”, a Malaysian Jemaah Islamiyah “terrorist”, and Basit Usman,  allegedly a local “terrorist”.  The SAF attack started at 3:00 am of January 25, and the firefight lasted until 3:00 pm deep within the territory of both the BIFM and the MILF.  The 5th SAF offensive however, spelled disaster for the almost 400 PNP 5th SAF troops as the more numerous BIFF and BIAF forces, supported by the local masses, put up a legitimate quick reaction active defense against the intruders of their ancestral territory.

And since it was a clash between two armed groups, what took place was not a massacre, as was peddled by Malacañang apologists to desperately elicit sympathy from the public, but a legitimate battle.  By exaggerating the manner by which the SAF members died, these apologists have fanned the antiquated chauvinist animosity against the Moro people, in a desperate effort to mask Aquino III’s criminal responsibility in ordering the bungled attack, as if the PNP SAF was not fully armed and ready for battle.

In fact, the PNP SAF is an elite mercenary force, better trained and armed with superior weapons and war equipment.  Clearly, however, this was no match against the more formidable combination of highly motivated BIFF and BIAF fighters and the fighting masses in a battle terrain familiar to the guerrillas, which resulted in the routing of the 5th SAF battalion and the annihilation of one of its companies, including 13 of its armed paramilitary support, who were not even mentioned by Malacañang. Aquino III and the PNP generals who ordered the SAF mission must have underestimated the Moro people’s determination and courage in defending their territory. It was not a massacre but a classic example of how a people’s war can vanquish a well-trained and well-equipped mercenary intruder.

Who ordered the expedition and for what reason?  Police director Getulio Napeñas admitted in public to have had the direct command responsibility but that he was doing it upon order from President Benigno Aquino III.  On the actual conduct of the operation, this jibed with the level of secrecy, as it ignored the chain of command of the Army and PNP units from the top down to the local commands.  This showed that only Malacañang can order such operations against two ‘high value targets’ with a total of US$ 7 million bounty who are at the top of the US list of “terrorist personalities” in Southeast Asia. There are reports that US intelligence fed the information as to the exact location of the targets. In fact, right after the incident, US officers, using their own helicopter, were quick to join the AFP and PNP retrieval forces in the scene to confirm if indeed their target personalities were among the dead.

Malacañang is running an errand mainly to please its US boss by ordering a top level mission for the SAF for the “neutralization” of said “terrorists” at the expense of mostly young SAF troopers and paramilitary men, and its peace effort with the MILF. This treasonous act committed directly by Benigno Aquino III himself, is clearly a strong basis, in addition to his other grave offenses, to impeach or oust him from office.

This single incident may serve as a barometer for the future of the GPH-MILF peace process, and the Bangsamoro struggle for their genuine right to self-determination as a whole. The failure of Malacañang to coordinate this surgical operation inside the territory of the MILF for some ulterior reason in spite of the standing GPH-MILF ceasefire, puts into question the trustworthiness of the GPH.  On the other hand, the  standing mutual ceasefire between the MILF and the GPH suddenly became precarious as proven by the incident where the MILF forces, duty bound, join their erstwhile comrades in the defense of their ancestral domain. 

From this, we can say that the BIFF-BIFM will not be alone in their continuing armed struggle for their genuine right to self-determination even if the diluted Bangsamoro Basic Law (BBL) is enacted and implemented. The BBL is not designed to address the basic feudal and semi-colonial system pervading in Bangsamoro areas.  Hence, after the BBL euphoria, more and more Moro people will join the rekindled armed struggle led by the BIFM and the national democratic struggle represented by the NDFP.  The NDFP has a commitment to the Bangsamoro to support its struggle for their right to self-determination and as such the two fronts can lend each other support against a common enemy.

Tactically however, the BIFM has to brace itself against the escalation of offensive operations of the AFP-PNP as it now stands, in reality, as the remaining biggest and most organized Bangsamoro armed movement that is valiantly carrying the banner of armed struggle in behalf of the Moro people’s right to-self-determination.  It must consolidate its ranks and swiftly expand to cover vast areas for its maneuver and to frustrate the “nip-in-the-bud” AFP military encirclement campaigns.  The BIFM enjoys vast support among the Moro masses and the Bangsamoro territory and its social terrain are fertile grounds to master guerrilla warfare and the art of people’s war.

The NDFP-Mindanao wishes to appeal to the people in Mindanao and the whole country not to be misled by the false and exaggerated propaganda spun by Malacañang which illogically placed the defenders of Bangsamoro rights at fault. The BIFM-BIFF and the involved MILF-BIAF fighters cannot and must not be held criminally liable, but, Benigno Aquino III himself who recklessly ordered the military adventure that led to the 5th SAF’s disastrous defeat.

Bangsamoro unite! We call on the Moro people to strengthen their unity and persevere in the path of armed resistance against the current exploitative, oppressive and chauvinist reactionary US-Aquino regime.  We also call on the Filipino people to unite with the Bangsamoro and, with them, fight for the Bangsamoro genuine right to self-determination and for national liberation and democracy, so that just and lasting peace shall eventually be achieved in Mindanao and in the whole country.#


BISAYA Version

Tulobagong kriminal ni Aquino III ang pagmando sa 5th PNP SAF nga sulongon ang teritoryo sa Bangsamoro isip pahalipay alang sa “Gubat batok Terorismo” sa iyang U.S. Boss

Ang NDFP-Mindanao buot magpadangat sa pahasubo sa mga nagbangutan nga mga pamilya ug kahigalaan sa mga napukan nga 44 ka membro sa PNP SAF ug 13 ka membro sa paramilitar, ug sa mga pamilya ug kaubanan sa mga martir nga mga manggugubat sa  Bangsamoro Islamic Freedom Fighters (BIFF) ug sa Bangsamoro Islamic Armed Forces (BIAF), ug sa mga sibilyan nga naangin atol sa gubat niadtong Enero 25, 2015, didto sa Sitio Inogog, Brgy Mamasapano, Maguindanao, dihang misulong ang PNP SAF sa teritoryo sa Bangsamoro Islamic Freedom  Movement ug Moro Islamic Liberation Front.  Nagpadangat usab kami sa among kabalaka sa tanan mga katawhang Moro nga nadislokar tungod sa maong panghitabo.

Sa  maong gubat tali sa miataki nga batalyon sa 5th SAF sa usa ka bahin ug sa nanalipod nga BIFF, BIAF ug misukol nga katawhan sa pikas bahin, ang PNP SAF maoy nahiagom sa labing dakung kadaut kun diin 44 ka membro sa SAF ang namatay, gawas pa kini sa namatay usab nga 13 ka membro sa para-militar nga gikuyog sa SAF.  Sa pikas bahin, 6 ang namatay sa BIFF, 18 ang sa BIAF, samtang 3 ang sibilyan nga naigo sa mga bala nga kasagaran gikan sa mga nanulong nga SAF.  Daghan ang samdon sa isig-ka-pikas.

Makatarunganon lang nga midepensa ang BIFF batok sa nanulong nga tropa sa gobyerno kay wala may ceasefire nga kasabutan tali sa GPH ug BIFM.  Ug bisan pa man kung dunay kasabutan sa ceasefire tali sa MILF ug GPH, sa ilang kaugalingong inisyatiba, mitabang ang mga membro sa MILF 105th brigade nga naa sa duol sa ilang mga igsoong BIFF kinsa nagpadayon sa dalan sa armadong pakigbisog aron makab-ot ang tinuod nga katungod sa kaugalingong paghukom sa katawhang Moro.  Kun mahinumdoman, ang MILF 105th base Command kanhi gipangulohan ni Ustadz Ameril Umbra Kato nga maoy nangulo sa pagtukod sa BIFF-BIFM.  Gawas sa relasyon sa dugo, ang katawhang Moro lig-ong nabugkos sa ilang gatusan ka tuig nga pakigbisog alang sa  katungod sa kaugalingong paghukom batok sa pandaugdaug ug pagpihig.

Sumala sa Malakanyang, ang tuyo sa pagsulong mao ang pag-“nyutralisa” sa duha ka suspetsadong mga terorista nga sila si Zulkifli bin Hir, alias “Marwan”, usa ka Malaysian nga membro sa Jemaah Islamiyah ug usa ka Basit Usman nga giingong lokal nga “terorista”.  Ang ataki sa SAF nagsugod sa alas 3:00 sa kabuntagon sa Enero 25, ug ang pinusilay milungtad hangtud sa alas 3:00 sa hapon sulod sa teritoryo sa BIFM ug MILF.  Apan ang maong opensiba sa dul-an 400 nga pwersa sa 5th SAF misangpot sa dakung kadaut sa SAF tungod kay ang mas daghan nga pwersa sa BIFF ug BIAF nga suportado sa mga masa, milunsad sa  hinanaling aktibong depensa batok sa mga manunulong sa ilang ansestral nga teritoryo.

Ug kay ang maong sangka tali man sa duha ka pulos armado nga mga pundok, ang nahitabo usa ka lihitimo nga sangka ug dili masaker, sama sa gipakaylap sa mga desperadong propagandista sa Malakanyang aron makuha ang simpatiya sa publiko.   Pinaagi sa pagpadaku sa isyu sa kamatayon sa mga membro sa SAF, kining mga propagandista misugnod sa mga dunot nga mapihigong kasuko batok sa katawhang Moro, isip desperadong paningkamot nga tabonan ang kriminal nga responsibilidad ni Aquino III sa pagmando niini sa napakyas nga ataki, nga daw dili armado ug andam makiggubat ang PNP SAF.  

Sa tinuoray, ang PNP SAF usa ka pinili nga sinuholang pwersa nga superyur ang pagbansay, armas ug himan iggugubat.  Apan tin-aw nga wala kini makaharung batok sa mas lig-ong kumbinasyon sa determinadong manggugubat sa BIFF, BIAF ug katawhang misukol, ilabi na kay kabisado ang tereyn sa  mga gerilya, nga misangpot sa pagkadiskaril sa ataki sa SAF ug pagkapuo sa usa niini ka kumpanya, apil ang 13 ka paramilitar nga kuyog niini nga wala man lang gikumpirma sa Malakanyang.  Mahimong gipakamenos ni Aquino III ug mga heneral sa PNP ang determinasyon ug kaisog sa katawhang Moro nga depensahan ang ilang teritoryo.  Dili kadto usa ka masaker kun di usa ka klasikong ehemplo kun giunsa pagpildi sa gubat sa katawhan ang usa ka mersenaryong manunulong nga mas taas ang kalidad sa pagbansay ug kahimanang iggugubat.

Kinsa ang nagmando ug unsay tumong?  Si Police Director Getulio Napenas miangkon sa publiko nga siya ang dunay responsibilidad apan gihimo niya kini subay sa order ni Presidente Benigno Aquino III.  Sa aktwal nga dagan, misibo kini diha sa kasekreto ug pagbali-wala sa kadena sa kamanduan sa AFP ug PNP gikan sa taas nga ang-ang hangtud sa ubos.  Nagpakita lang kini nga ang Malakanyang lang ang makamando sa susamang operasyon batok sa duha ka tag-as og presyo nga mga target nga mi-total sa US$ 7 milyones nga patong sa ulo, nga nag-una sa listahan sa U.S. sa mga “teroristang personalidad” sa Southeast Asia.  Dunay mga report nga ang U.S. intelligence ang naghatag sa impormasyon sa tinong lokasyon sa mga target.  Gani, human dayon sa insidente, pipila ka opisyales sa U.S. ang misalmot sa pagkuha sa mga kaswalti ginamit ang ilang kaugalingong helikopter aron pagkumpirma kung apil ba sa mga namatay ang ilang target nga personalidad.

Ang Malakanyang nagtuman lang sa sugo isip pahalipay sa iyang U.S. boss pinaagi sa pagmando sa usa ka top level nga misyon sa SAF aron “i-nyutralisa”and duha ka “terorista” bugti sa kamatayon sa kasagaran mga batan-ong membro sa SAF ug mga paramilitar, ug bugti sa iyang paningkamot sa kalinaw tali sa MILF.  Kining pagbudhi sa nasud nga binuhatan ni Benigno Aquino III, usa ka tin-aw nga basehan dugang sa uban pa niyang bug-at nga sala aron i-impeach o palagputon siya sa opisina.

Kini nga insidente mahimong sukdanan sa kaugmaon sa GPH-MILF nga proseso sa kalinaw, ug sa kinatibuk-ang pakigbisog sa Bangsamoro alang sa tinuod nga katungod sa kaugalingong paghukom.  Ang wala pagkoordina sa Malakanyang niining surgical nga operasyon sulod sa teritoryo sa MILF para sa kwestyonableng tumong bisan pa man kung dunay kasabutang ceasefire tali sa MILF ug GPH, nagpakita nga dili masaligan ang GPH.  Sa pikas bahin, ang nagtunhay nga MILF-GPH ceasefire nahimong dili estable, nga gipamatud-an sa insidente kun diin ang mga pwersa sa MILF mitabang sa ilang kanhi mga igsoon sa pakigbisog aron depensahan ang ilang teritoryo.      

Gikan niini, maingon nato  nga ang BIFF-BIFM dili mag-inusara sa iyang pagpadayon sa armadong pakigbisog alang sa tinuod nga katungod sa kaugalingong paghukom bisan pa man kung mapasa na isip balaud ug maimplementa ang Basic Bangsamoro Law (BBL).  Ang BBL wala madesenyo aron pagsulbad sa batakang pyudal ug semi-colonial nga sistema nga nagatunhay sa mga erya sa Bangsamoro.  Busa human sa paghudyaka sa higayon nga mahimong balaud na ang BBL, magkadaghan ang katawhang Moro nga mosalmot sa nadagkutan pag-usab nga armadong pakigbisog nga gipangulohan sa BIFM ug sa nasudnong demokratikong pakigbisog nga girepresentar sa NDFP.  Ang NDFP dunay kaakohan sa pagsuporta sa pakigbisog sa Bangsamoro alang sa ilang katungod sa kaugalingong paghukom ug busa ang BIFM ug NDFP mahimong magtinabangay batok sa usa ka komon nga kaaway.

Apan sa kasamtangang kahimtang, ang BIFM kinahanglang mangandam batok sa dugang pagkusog sa operasyon sa AFP-PNP, kay sa pagkakaron, ang BIFM mao na ang pinakadaku ug organisado nga armadong kalihokan sa Bangsamoro nga maisogong misubay sa dalan sa armadong pakigbisog sa ngalan sa katungod sa kaugalingong paghukom sa katawhang Moro.  Kinahanglang ikonsolida niini ang iyang han-ay ug paspas nga mag-palapad aron malangkob ang halapad nga erya para sa maniubra ug pakyason ang “nip-in-the-bud” nga kampanyang pagliyok sa AFP.  Ang BIFM dunay halapad nga suporta sa masang Moro ug ang Bangsamoro nga teritoryo ug katilingbanong kahimtang niini tabunok nga yuta para magpakahanas sa gerilyang pakiggubat ug sa arte sa gubat sa katawhan.

Ang NDFP-Mindanao nag-awhag sa katawhan sa Mindanao ug sa tibuok nasud nga dili magpadala sa sayop ug tinuis nga propaganda sa Malakanyang nga mideklara sa mga manunulong nga SAF isip mga bayani samtang ang Bangsamoro nga nanalipod sa ilang katungod maoy gihimong sad-an ug dautan.  Ang mga manggugubat sa BIFM-BIFF ug MILF-BIAF walay kriminal nga tulobagon kun di, mismo si Benigno Aquino III, kinsa pinataka nga nagmando sa pagpanulong nga misangpot sa grabeng kapildihan sa PNP SAF.

Bangsamoro Maghiusa!  Giawhag namo ang katawhang Moro sa pagpalig-on sa ilang panaghiusa ug mapursigihong subayon ang dalan sa armadong pagsukol batok sa mapahimuslanon, madaugdaugon ug mapihigong reaksyonaryong rehimeng US-Aquino.  Nag-awhag usab kami sa katawhang Pilipino nga makighiusa sa Bangsamoro ug uban kanila, makigbisog para sa tinuod nga katungod sa kaugalingong paghukom sa Bangsamoro ug sa nasudnong kalingkawasan ug demokrasya, aron nga makab-ot ang makatarunganon ug malahutayon nga kalinaw sa Mindanao ug sa tibuok nasud.#