Sympathy for the Mamasapano victims and condemnation of the Aquino regime and US imperialist intervention


Fr. Santiago “Ka Sanny” Salas
National Democratic Front of the Philippines - Eastern Visayas
February 5, 2015
The National Democratic Front-Eastern Visayas today expressed sympathy with the families of 44 police special troops -- six of whom hailed from the region -- and Bangsamoro fighters and civilians who were killed in Mamasapano, Maguindanao last January 25. "We sympathize with the families of the Special Action Force troops who were, as the Communist Party of the Philippines decried, sacrificed on the altar of the US war on terror," said NDF-EV spokesperson Fr. Santiago "Ka Sanny" Salas. "The families of the slain troopers are right in demanding justice from the Aquino government for sacrificing them as well as its own ceasefire and peace pact with the Moro Islamic Libration Front. The main culprits in this bloody affair is not only the Aquino government but the US as well, for instigating the mutual slaughter of Filipinos because of its war on terror." 

The NDF-EV spokesperson said the incident at Mamasapano is an eye-opener about the extreme serviIity of the Aquino regime to the US, as well as the callousness of US imperialism in furthering its own interests. "The US war on terror is impinging on the internal affairs of the Philippines. US troops are suspected as having participated in the Mamasapano operation and afterwards. In fact, it was the US that had a key interest in the operation targeting two suspected leaders of the Jemaah Islamiyah. Thus, to forestall  scapegoating or whitewashing, any impartial investigation should look into the roles of the US, Aquino and other high officials of the regime who were involved."


Fr. Salas said the Filipino people should support the demand for justice by the families of the SAF troopers and other victims. "The Filipino people must demand a stop to increasing US military intervention in the country that has led to the shedding of blood of Filipinos in Mamasapano and elsewhere. They should intensify their struggle against the Aquino regime's Enhanced Defense Cooperation Agreement and other military agreements that lopsidedly favor the US. Furthermore, the Filipino people are justified in pressing for the ouster of Aquino for provoking the Mamasapano incident, among other crimes, and replacing his regime with a government that upholds national sovereignty and the democratic interests of the people."#


=====================

WARAY VERSION:

Simpatiya ha mga biktima ha Mamasapano ngan pagkondenar ha rehimen Aquino ngan imperyalista nga panginlabot han US


Fr. Santiago “Ka Sanny” Salas
National Democratic Front of the Philippines - Eastern Visayas
Pebrero 5, 2015

Ginpahayag yana han National Democratic Front-Eastern Visayas an simpatiya ha mga pamilya han 44 nga kaapi han ispesyal nga tropa han pulisya – kun diin unom hini an nagtikang ha rehiyon—ngan ha mga mangaraway han Bangsamoro ngan mga sibilyan nga namatay ha Mamasapano, Maguindanao hadin Enero 25. "Nakikigsimpatiya kita ha mga pamilya han mga tropa han Special Action Force nga, sugad han pagkondenar han Partido Komunista han Pilipinas, iginsakripisyo ha altar han gerra kontra terorismo han US," sering han tagapagyakan han NDF-EV nga hi Fr. Santiago “Ka Sanny” Salas. “Tama an pamilya han mga namatay nga mga sundalo ha pagdemanda hin hustisya tikang ha gubyerno Aquino tungod han pagsakripisyo ha ira sugad man han diri pagrespeto ngan pagligis ha ukoy-bubto ngan kasarabutan pankamurayawan ha Moro Islamic Liberation Front. An prinsipal nga kriminal hini nga duguon nga panhitabo diri la an gubyerno Aquino kundi upod na an US, ha panulsol han mutwal nga pagmasaker han mga Pilipino tungod han gerra kontra terorismo hini. "  

Ginsering han tagapagyakan han NDF-EV nga an panhitabo ha Mamasapano usa nga pampamuklat han mga mata kabahin han grabe nga pagkaniyutiyo han rehimen Aquino ha US, sugad man an kawaray kasing-kasing han imperyalismo nga US ha pag-undong han kalugaringon hini nga mga interes.  "Nakakaligis an gerra kontra terorismo han US ha mga pansakob nga karukayaknon han Pilipinas. Gintatahapan nga nagpartisipar an mga tropa han US ha operasyon ha Mamasapano ngan kahuman hini. Ha kamatuoran, an US an mayda yawe nga interes ha operasyon nga nagpupuntirya han duha nga gintatahapan nga lider han Jemaah Islamiyah. Kun sugad, agud mapugngan an pagpasangil o pagtahub, kinahanglan kitaon han bisan ano nga waray ginkikilingan nga imbestigasyon an papel han US, ni Aquino ngan han iba pa nga dabi nga higtaas nga upisyal han rehimen."

Ginsering pa ni Fr. Salas nga kinahanglan suportahan han katawhan Pilipino an demanda para ha hustisya han mga pamilya han mga sundalo han SAF ngan iba pa nga mga biktima. "Kinahanglan igdemanda han katawhan Pilipino an pag-undang han nagtitikadako nga panginlabot militar han US ha nasud nga naghagudalan ha pag-awas han dugo han mga Pilipino ha Mamasapano ngan ha iba pa nga lugar. Kinahanglan pakusgon nira an pakigbisog kontra ha Enhanced Defence Cooperation Agreement ngan iba pa nga panmilitar nga kasarabutan han rehimen Aquino nga kiling nga napabor ha US. Dugang pa, mayda basaranan an katawhan Pilipino nga igduso an pagpatalsik kan Aquino tungod han pag-inayat hini han panhitabo ha Mamasapano, labot pa ha iba hini nga mga krimen, ngan saliwnan an iya rehimen hin usa nga gubyerno nga nag-uundong han nasyunal nga soberaniya ngan demokratiko nga mga interes han katawhan.”#